ഉവൈസി ദേശീയ പതാകയെ അപകീർത്തിപ്പെടുത്തരുതെന്ന്​ ബി.ജെ.പി

ന്യൂഡൽഹി: പൗരത്വ ഭേദഗതി നിയമത്തിനും ദേശീയ പൗരത്വ പട്ടികക്കുമെതിരെ പ്രതിഷേധ സൂചകമായി വീടുകളിൽ ഇന്ത്യൻ പതാക ഉയർത്തണമെന്ന എ.ഐ.എം.ഐ.എം അധ്യക്ഷൻ അസദുദ്ദീൻ ഉവൈസിയുടെ പ്രസ്​താവനക്കെതിരെ ബി.ജെ.പി ദേശീയ വക്താവ്​ ഷാനവാസ്​ ഹുസൈൻ.

അസദുദ്ദീൻ ഉ​ൈവസി ദേശീയ പതാകയെ തൊട്ടുകളിക്കുകയാണ്​. രാജ്യസ്​നേഹത്തിൻെറ അടയാളമാണ്​ പതാക. അത്​ പ്രതി
​േഷധത്തിൻെറ അടയാളമായി ഉപയോഗിക്കരുത്​. ഉവൈസി ദേശീയ പതാകയെ ഇത്തരത്തിൽ അപകീർത്തിപ്പെടുത്തരുതെന്നും ഷാനവാസ്​ പറഞ്ഞു.

‘‘ദേശീയ പൗരത്വ ഭേദഗതി ഒരു​ ന്യൂനപക്ഷങ്ങൾക്കുമെതിരല്ല. അത്​ ബംഗ്ലാദേശ്​, അഫ്​ഗാനിസ്​താൻ, പാകിസ്​താൻ എന്നിവിടങ്ങളിൽ നിന്ന്​ പീഡനം അനുഭവിച്ച്​ വന്നവർക്ക്​ പൗരത്വം നൽകലാണ്. പ്രതിപക്ഷം മുസ്​ലിംകളെ തെറ്റിദ്ധരിപ്പിക്കരുത്​. ’’ അദ്ദേഹം പറഞ്ഞു.

പൗരത്വ ഭേദഗതി നിയമത്തിനും ദേശീയ പൗരത്വ പട്ടികക്കുമെതിരെ പ്രതിഷേധ സൂചകമായി എല്ലാവരും വീടിന്​ പുറത്ത്​ ഇന്ത്യൻ പതാക ഉയർത്തണമെന്ന്​ അസദുദീൻ ഉവൈസി ഇന്നലെ പറഞ്ഞിരുന്നു. ഹൈദരാബാദിലെ ദാറുസലാമിൽ ഒരു റാലിയിൽ സംസാരിക്കുമ്പോഴായിരുന്നു ഉ​ൈവസിയുടെ പ്രസ്​താവന.