20 ദിവസത്തിനിടെ യു.പി കുടുംബത്തിൽ ഏഴുപേർ കോവിഡ്​ ബാധിച്ച്​ മരിച്ചു; ചികിത്സ കിട്ടിയില്ലെന്ന്​ പരാതി

ലഖ്​നോ: 2021 ഏപ്രിൽ 25നും മെയ്​ 15നും ഇടയിലുള്ള 20 ദിവസത്തിനിടെ ഓംകാർ യാദവിനും കുടുംബത്തിനും കോവിഡ്​ മൂലം നഷ്​ടമായത്​ ഏഴ് ഉറ്റവരെ. ഇതി​െൻറ കൂടെ ഒരാൾ ഹൃദയാഘാതം മൂലവും മരണപ്പെട്ടു. ലഖ്​നോവിനടുത്തുള്ള ഇമാലിയ ഗ്രാമത്തിലാണ്​ സംഭവം. രണ്ടാം തരംഗത്തിൽ രാജ്യം നേരിട്ട ദുരവസ്​ഥയുടെ നേർസാക്ഷ്യമാണ്​ ക​ുടുംബത്തിൽ സംഭവിച്ചത്​. ​

ഹൃദയഭേദകമായ ദുരന്തം സംഭവിച്ചിട്ടും സർക്കാർ തലത്തിൽ യാതൊരു പ്രതിരോധ നടപടികളും ഗ്രാമത്തിൽ കൈകൊണ്ടില്ലെന്ന്​ 'ആജ്​ തക്​' റിപ്പോർട്ട്​ ചെയ്​തു. മരിച്ചയാളുകൾക്ക്​ ഓക്​സിജൻ കിടക്കക​ളോ മതിയായ ചികിത്സ സൗകര്യങ്ങളോ ഒരുക്കിയില്ലെന്ന്​ ഗ്രാമത്തലവനായ സെയ്​ദ്​ മേവാറാം ആരോപിച്ചു.

'ഒരു ഗ്രാമത്തിൽ ഇത്രയും മരണങ്ങൾ ഉണ്ടായിട്ട്​ അന്വേഷണം നടന്നില്ല. അടിസ്​ഥാനപരമായ അണുനശീകരണ പ്രവർത്തി ​പോലും നടത്തിയിട്ടില്ല'- ഗ്രാമത്തലവനായ സെയ്​ദ്​ മേവാറാം കുറ്റപ്പെടുത്തി. ഗ്രാമത്തിൽ50 ലേറെ പേർക്ക്​ കോവിഡ്​ സ്​ഥിരീകരിച്ചെങ്കിലും അവർക്ക്​ യാതൊരു സർക്കാർ സഹായവും ലഭിച്ചില്ലെന്ന്​ പരാതിപ്പെട്ടു.