അഭയകേന്ദ്രത്തിൽ നിന്ന്​ മുസാഫർപൂർ ഇരകൾ ഉൾപ്പെടെ ഏഴ്​ പെൺകുട്ടികളെ കാണാതായി

പാട്​ന: മൊകാമയിൽ നസ​േറത്ത്​ ഹോസ്​പിറ്റൽ ​െസാസൈറ്റി നടത്തുന്ന അഭയ കേന്ദ്രമായ ബാൽ ഗൃഹത്തിൽ നിന്ന്​ ഏഴ​്​ പെ ൺകുട്ടികളെ കാണാതായി. ഇതിൽ അഞ്ച്​​ പേർ മുസാഫർപൂർ അഭയ കേന്ദ്രത്തിൽ ലൈംഗിക പീഡനത്തിന്​ ഇരയായവരാണ്​.

അഭയ കേന്ദ്രത്തി​​െൻറ പ്രധാന ഗേറ്റിലെ ഗ്രിൽ മുറിച്ച നിലയിൽ കണ്ടെത്തിയതിനെ തുടർന്ന്​ അന്തേവാസികളായ പെൺകുട്ടികളുടെ എണ്ണമെടുത്തപ്പോഴാണ്​ ഏഴ്​ പേരെ കാണാതായ വിവരം അറിഞ്ഞത്.

ലൈംഗിക പീഡനത്തിന്​ ഇരകളായതിനെ തുടർന്ന്​ മുസാഫർപൂരിലെ സേവാ സങ്കൽപ്​ ഏവം വികാസ്​ സമിതിയിൽ നിന്ന് അഞ്ച്​ കുട്ടികളെ​ നസറേത്ത്​ ഹോസ്​പിറ്റൽ സൊസൈറ്റിയിലേക്ക്​ കഴിഞ്ഞ വർഷം ആഗസ്​തിലാണ്​ എത്തിച്ചത്​. പെൺകുട്ടികളെ കാണാതായ സംഭവത്തിൽ അന്വേഷണം ആരംഭിച്ചിട്ടുണ്ട്​.