വാക്​സിൻ പരീക്ഷണം; ആരോപണം ഉന്നയിച്ചയാൾക്കെതിരെ സെറം ഇൻസ്​റ്റിറ്റ്യൂട്ടി​െൻറ 100 കോടിയുടെ മാനനഷ്​ടകേസ്​

ചെന്നൈ: കോവിഡ്​ വാക്​സിനായ 'കോവിഷീൽഡി​െൻറ' പരീക്ഷണത്തിൽ പ​ങ്കെടുത്ത വ്യക്തിക്കെതിരെ സെറം ഇൻസ്​റ്റിറ്റ്യൂട്ട്​ ഓഫ്​ ഇന്ത്യ 100 കോടിയുടെ മാനനഷ്​ടകേസ്​ ഫയൽ ചെയ്​തു. വാക്​സിൻ സ്വീകരിച്ചതിനെ തുടർന്ന്​ തനിക്ക്​ നാഡീസംബന്ധവും മാനസികവുമായ പ്രശ്​നങ്ങളു​ണ്ടായെന്ന്​ ചൂണ്ടിക്കാട്ടി ഇയാൾ രംഗത്തെത്തിയിരുന്നു. കൂടാതെ സെറം ഇൻസ്​റ്റിറ്റ്യൂട്ടിനെതിരെ അഞ്ചുകോടിയുടെ നഷ്​ടപരിഹാരം വേണമെന്ന്​ 40 കാരൻ ആവശ്യപ്പെടുകയും ചെയ്​തു.

ഒാക്​സ്​ഫഡ്​ സർവകലാശാലയും ആസ്​ട്രസെനകയും ചേർന്ന്​ നിർമിക്കുന്ന വാക്​സിനാണ്​ കോവിഷീൽഡ്​. പുണെ സെറം ഇൻസ്​റ്റിറ്റ്യൂട്ട്​ ഓഫ്​ ഇന്ത്യയുമായി ചേർന്നാണ്​ ഇന്ത്യയിലെ വാക്​സിൻ പരീക്ഷണം. ചെന്നൈയിലെ ഒരു സ്​ഥാപനത്തിൽനിന്ന്​ ഒക്​ടോബർ ഒന്നിന്​ കോവിഡ്​ വാക്​സിൻ പരീക്ഷണത്തിൽ പ​ങ്കെടുത്ത ആളാണ്​ പരാതിക്കാരൻ.

വാക്​സി​ൻ സ്വീകരിച്ച വ്യക്തി ഉന്നയിച്ച ആരോപണങ്ങൾ തള്ളിയ സെറം ഇൻസ്​റ്റിറ്റ്യൂട്ട്​ അടിസ്​ഥാന രഹിതമായ ആരോപണങ്ങൾക്കെതിരെ 100 കോടിയുടെ മാനനഷ്​ട കേസ് നൽകുകയായിരുന്നു. ഇയാൾക്കെതിരെ ക്രിമിനൽ കേസും ഫയൽ ചെയ്​തിട്ടുണ്ട്​.

40കാര​െൻറ ആരോഗ്യപ്രശ്​നങ്ങളിൽ സഹതപിച്ച സെറം ഇൻസ്​റ്റിറ്റ്യൂട്ട്​ വാക്​സിൻ സ്വീകരിച്ചതും അദ്ദേഹത്തി​െൻറ ആരോഗ്യ പ്രശ്​നങ്ങളും തമ്മിൽ യാതൊരു ബന്ധവു​മില്ലെന്നും വ്യക്തമാക്കി. പരാതിക്കാരൻ പണം തട്ടിയെടുക്കാനുള്ള മാർഗമായി ഇതിനെ കണക്കാക്കുകയാണെന്നും മുതിർന്ന ഉദ്യോഗസ്​ഥരിൽ ഒരാൾ പ്രതികരിച്ചു.