Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഭാര്യയെ ക്രൂരമായി...

ഭാര്യയെ ക്രൂരമായി മർദിച്ച ഐ.പി.എസ്​ ഉദ്യോഗസ്ഥന്​ സസ്​പെൻഷൻ; ക്രമിനൽ കുറ്റമല്ലെന്ന്​ വാദം

text_fields
bookmark_border
ഭാര്യയെ ക്രൂരമായി മർദിച്ച ഐ.പി.എസ്​ ഉദ്യോഗസ്ഥന്​ സസ്​പെൻഷൻ; ക്രമിനൽ കുറ്റമല്ലെന്ന്​ വാദം
cancel

ഭോപ്പാല്‍: മധ്യപ്രദേശില്‍ ഭാര്യയെ മര്‍ദ്ദിച്ച സംഭവത്തില്‍ ഐ.പി.എസ്​ ഉദ്യോഗസ്ഥന് സസ്‌പെന്‍ഷന്‍. ഡി.ജി.പി റാങ്കിലുളള മുതിർന്ന ഉദ്യോഗസ്ഥൻ പുരുഷോത്തം ശർമയെയാണ്​ സസ്​പെൻഡ്​ ചെയ്​തത്​. കുടുംബ വഴക്കിനെ തുടർന്ന്​ ഭാര്യയെ മർദിക്കുന്നതി​െൻറയും നിലത്ത്​ വലിച്ചിഴക്കുന്നതി​െൻറയും ദൃശ്യങ്ങൾ പുറത്തുവന്നിരുന്നു. ദൃശ്യങ്ങൾ സാമൂഹിക മാധ്യമങ്ങളിൽ വ്യാപകമായി പ്രചരിക്കുകയും വിവാദമാവുകയും ചെയ്​തതോടെ മധ്യപ്രദേശ്​ ആഭ്യന്തര വകുപ്പ്​ ഇയാളെ സസ്‌പെന്‍ഡ് ചെയ്ത് അന്വേഷണത്തിന് ഉത്തരവിട്ടു.

വീട്ടിനുളളില്‍ വച്ച് പുരുഷോത്തം ശര്‍മ്മ ഭാര്യയെ ക്രൂരമായി മര്‍ദിക്കുന്നതാണ് ദൃശ്യങ്ങളിലുളളത്. മുഖത്തടിച്ചും കഴുത്തുപിടിച്ച് തിരിച്ചും മുടിയില്‍ പിടിച്ച് വലിച്ചുമായിരുന്നു മർദനം. അതിനിടെ രണ്ടുപേര്‍ പുരുഷോത്തം ശര്‍മ്മയെ തടയാന്‍ ശ്രമിക്കുന്നതും വീഡിയോയില്‍ വ്യക്തമാണ്. തുടര്‍ന്ന് നിലത്ത്​ വലിച്ചിഴക്ക​ുന്നതും ചവിട്ടുന്നതും ദൃശ്യങ്ങളിൽ കാണാം. മറ്റൊരു സ്ത്രീയുമായുളള ബന്ധം ചോദ്യം ചെയ്തതാണ് പ്രകോപനത്തിന് കാരണമെന്നാണ്​ റിപ്പോർട്ട്​.

എന്നാൽ ഇത്​ വെറും കുടുംബ പ്രശ്​നമാണെന്നും താൻ ചെയ്​തത്​ ​ക്രിമിനൽ കുറ്റമൊന്നുമല്ലെന്നുമാണ്​ പുരുഷോത്തം മിശ്ര പ്രതികരിച്ചത്​. 32 വർഷമായി തങ്ങൾ ഒരുമിച്ച്​ ജീവിക്കുന്നു. 2008 മുതലാണ്​ ​കുടുംബപ്രശ്​നങ്ങൾ തുടങ്ങിയത്​. ഭാര്യക്ക്​ സംശയരോഗമാണെന്നും തന്നെ നിരീക്ഷിക്കാൻ വീട്ടിൽ ഒളികാമറ​കൾ വെച്ചിരുന്നുവെന്നും ശർമ പ്രതികരിച്ചു.

കത്തിയെടുത്ത് തന്നെ കുത്താന്‍ ശ്രമിച്ചപ്പോഴാണ് ഭാര്യയെ ആക്രമിച്ചതെന്നാണ് ശർമയുടെ വിശദീകരണം.

Show Full Article
TAGS:Purushottam Sharma Madhya Pradesh Cop abuse crime 
Next Story