തെലങ്കാനയിലെ കോൺഗ്രസ്​ നേതാവിനെ തട്ടിക്കൊണ്ടുപോയി കൊലപ്പെടുത്തി

ഹൈദരാബാദ്​: തെലങ്കാനയിലെ മുതിർന്ന കോൺഗ്രസ്​ നേതാവ്​ രാമചന്ദ്ര റെഢ്​ഢിയെ ബന്ധുവും ഡ്രൈവറും തട്ടിക്കൊണ്ടുപോയി കൊലപ്പെടുത്തി. ബന്ധുവായ പ്രതാപ്​ റെഢ്​ഢിയും അദ്ദേഹത്തി​​െൻറ ഡ്രൈവറും ചേർന്നാണ്​ കൃത്യം നടത്തിയത്​. ഭൂമി സംബന്ധമായ തർക്കമാണ്​ കൊലപാതകത്തിലേക്ക്​ നയിച്ചത്​. സംഭവത്തിന്​ ശേഷം പ്രതികൾ ഒളിവിൽ പോവുകയായിരുന്നു.

കൊല്ലപ്പെട്ട രാമചന്ദ്ര റെഢ്​ഢിയും പ്രതാപ്​ റെഢ്​ഢിയും ഷാദ്​നഗർ എന്ന സ്ഥലത്തുവെച്ച്​ കാറിലിരുന്ന്​ ഭൂമി സംബന്ധമായ വിഷയം ചർച്ച ചെയ്യുകയും ഇത്​ പരസ്പരം വാക്കേറ്റത്തിലേക്ക്​ എത്തുകയുമായിരുന്നു. 

തുടർന്ന്​ പ്രതാപ്​ റെഢ്​ഢിയും ഡ്രൈവറും ചേർന്ന്​ രാമചന്ദ്ര റെഢ്​ഢിയെ കൊത്തുരു എന്ന സ്ഥലത്തേക്ക്​ കൊണ്ടുപോയി കൊലപ്പെടുത്തിയ ശേഷം മൃതദേഹം അവിടെ ഉപേക്ഷിച്ച്​ കടന്നുകളയുകയായിരുന്നു. പൊലീസ്​ കേസെടുത്ത്​ അന്വേഷണം ആരംഭിച്ചിട്ടുണ്ട്​.