രാജ്യത്ത്​ രണ്ടാമത്തെ കോവിഡ്​ മരണം

ന്യൂഡൽഹി: ഇന്ത്യയിൽ കോവിഡ്​ 19 വൈറസ്​ ബാധിച്ച്​ രണ്ടാമത്തെ മരണം. ഡൽഹി ജാനക്​പുരി സ്വദേശിയായ 68 കാരിയാണ്​ മരിച്ചത്​. ഡൽഹി ആർ.എം.എൽ ആശുപത്രിയിൽ ചികിത്സയിലിരിക്കെയാണ്​ മരണം.

ഡൽഹിയിൽ കോവിഡ്​ 19 സ്​ഥിരീകരിച്ച ആറാമത്തെ രോഗിയായിരുന്നു ഇവർ. ഇവർക്ക്​ കോവിഡ്​ 19 കൂടാതെ അമിത രക്​ത സമ്മർദവും പ്രമേഹവും ഉണ്ടായിരുന്നതായി ആശുപത്രി അധികൃതർ പറയുന്നു. അതേസമയം, ഇന്ത്യയിൽ കോവിഡ്​ 19 ബാധിച്ചവരുടെ എണ്ണം 85 ആയി.