Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബംഗളൂരുവിൽ കത്തി...

ബംഗളൂരുവിൽ കത്തി കാണിച്ച് ഭീഷണിപ്പെടുത്തി മലയാളി യുവാവി​െൻറ സ്കൂട്ടർ കവർന്നു

text_fields
bookmark_border
ബംഗളൂരുവിൽ കത്തി കാണിച്ച് ഭീഷണിപ്പെടുത്തി മലയാളി യുവാവി​െൻറ സ്കൂട്ടർ കവർന്നു
cancel
camera_alt

Representative Image

ബംഗളൂരു: നഗരത്തിൽ മലയാളി യുവാവി​െൻറ ഇരുചക്രവാഹനം നാലംഗ കവർച്ച സംഘം തട്ടിയെടുത്തു. കോഴി​ക്കോട്​ നാദാപുരം തിനൂർ സ്വദേശിയും ബാനസ്​വാടിയിലെ സൂപ്പർമാർക്കറ്റിലെ ജീവനക്കാരനുമായ വണ്ണത്താം കണ്ടി ബിലാലി​െൻറ (20) സ്​കൂട്ടറാണ്​ അക്രമികൾ കത്തിമുനയിൽ ഭീഷണിപ്പെടുത്തി കവർന്നത്​.

വെള്ളിയാഴ്​ച അർധരാത്രി 12 മണിയോടെ ഹെന്നൂർ പൊലീസ്​ സ്​റ്റേഷന്​ 500 മീറ്റർ അകലെ പ്രധാന റോഡിലാണ്​ സംഭവം.

ഒന്നര മാസം മുമ്പാണ്​ ബിലാൽ ജോലിയിൽ പ്രവേശിച്ചത്​. വെള്ളിയാഴ്​ച രാത്രി സൂപ്പർമാർക്കറ്റ്​ അടച്ചശേഷം നാട്ടിൽനിന്നെത്തിയ രണ്ട്​ സുഹൃത്തുക്കളുമായി ബിലാൽ മറ്റൊരു സുഹൃത്തിനെ കാണാൻ രണ്ട്​ ബൈക്കുകളിലായി പോകു​േമ്പാഴാണ്​ സംഭവം.

ബിലാലി​െൻറ കെ.എൽ 18 വൈ 2154 രജിസ്​ട്രേഷനിലുള്ള സുസുകി ആക്​സസ്​ മോഡൽ പുതിയ സ്​കൂട്ടർ സുഹൃത്തുക്കളാണ്​ ഒാടിച്ചിരുന്നത്​. ഹെന്നൂരിൽവെച്ച്​ വഴിമാറി മൂവരും രണ്ട്​ റോഡിലായി. സുഹൃത്തുക്കൾ ഒാടിച്ച സ്​കൂട്ടറിലെ പെട്രോൾ തീർന്നതോടെ ഹെന്നൂർ മെയിൻ റോഡിൽ നിർത്തി. ഇൗ സമയം അവിടെ സംശയാസ്​പദമായ സാഹചര്യത്തിൽ ഒരു ഒാ​േട്ടാറിക്ഷ ഡ്രൈവർ ഇവരെ നിരീക്ഷിച്ചിരുന്നതായി യുവാക്കൾ പറഞ്ഞു.

അൽപസമയത്തിനകം ഒരു ബൈക്കിലെത്തിയ നാലംഗ സംഘം കത്തികാട്ടി വിരട്ടിഒാടിച്ച ശേഷം സ്​കൂട്ടറുമായി കടന്നുകളയുകയായിരുന്നു. ​െഎഫോൺ സെവൻ, 2000 രൂപയും ആധാർകാർഡ്​, ഡ്രൈവിങ്​ ലൈസൻസ്​ എന്നിവയും അടങ്ങുന്ന പഴ്​സ്​ എന്നിവ സംഘം തട്ടിയെടുത്തു. ഹെൽമറ്റും മാസ്​ക്കും ധരിക്കാതെയാണ്​ അക്രമികളെത്തിയതെന്നും ഒാ​േട്ടാ ഡ്രൈവർ നൽകിയ വിവരമനുസരിച്ച്​ കവർച്ച സംഘം പെട്രോളും കരുതിയിട്ടുണ്ടാവാമെന്നും യുവാക്കൾ പറഞ്ഞു.

സ്​കൂട്ടറി​െൻറ ആർ.സി ബുക്കും വണ്ടിയിലുണ്ടായിരുന്നു. ​െഹന്നൂർ പൊലീസ്​ സ്​റ്റേഷനിൽ ബിലാൽ പരാതി നൽകി.

ലോക്ക്​ഡൗൺ നിയന്ത്രണങ്ങൾ നീങ്ങിയതിന്​ പിന്നാലെ നഗരത്തിൽ കവർച്ച വർധിച്ചിട്ടുണ്ട്​. നവംബർ 11ന്​ ​ കമ്മനഹള്ളിയിൽ മലയാളി ബിസിനസുകാര​ൻ പി.പി സമീലി​െൻറ കാറി​െൻറ ചില്ല്​ തകർത്ത്​ 2.75 ലക്ഷം രൂപയും രേഖകളും കവർന്നിരുന്നു. നവംബർ ഒമ്പതിന്​ കർമലാരം റെയിൽവെ സ്​​റ്റേഷനിൽ നാട്ടിലേക്ക്​ മടങ്ങാൻ ട്രെയിൻ കാത്തുനിന്ന മലപ്പുറം നിലമ്പൂർ സ്വദേശിയെ കത്തികൊണ്ട്​ ആക്രമിച്ച്​ പണവും മൊബൈലും കവർന്ന സംഭവവും അരങ്ങേറി.

Show Full Article
TAGS:Theft Robbery malayali bengaluru 
News Summary - scooter is stolen during knifepoint Bangluru
Next Story