Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഎല്ലാ കോവിഡ്​...

എല്ലാ കോവിഡ്​ വകഭേദങ്ങളെയും പ്രതിരോധിക്കുന്ന 'സൂപ്പർ വാക്​സിൻ'; ഗവേഷണം പുരോഗമിക്കുന്നു

text_fields
bookmark_border
എല്ലാ കോവിഡ്​ വകഭേദങ്ങളെയും പ്രതിരോധിക്കുന്ന സൂപ്പർ വാക്​സിൻ; ഗവേഷണം പുരോഗമിക്കുന്നു
cancel

ന്യൂഡൽഹി: രാജ്യത്ത്​ കൊറോണ വൈറസിന്‍റെ ഡൽറ്റ പ്ലസ്​ വകഭേദം ബാധിച്ച 40 കേസുകൾ കണ്ടെത്തിയ സാഹചര്യത്തിൽ, എല്ലാ കോവിഡ്​ വകഭേദങ്ങളെയും പ്രതിരോധിക്കുന്ന 'സൂപ്പർ വാക്​സിൻ' വികസിപ്പിച്ചെടുക്കുന്നതിനുള്ള തയാറെടുപ്പിലാണ്​ ശാസ്​ത്രജ്​ഞരെന്ന്​ വാർത്ത ഏജൻസിയായ പി.ടി.ഐ റിപ്പോർട്ട്​ ചെയ്യുന്നു. നിലവിലെ മാത്രമല്ല, ഭാവിയിൽ ഉണ്ടായേക്കാവുന്ന കോവിഡ്​ വകഭേദങ്ങളെയും പ്രതിരോധിക്കാൻ കഴിയുന്ന വാക്​സിൻ വികസിപ്പിച്ചെടുക്കുന്നതിനുള്ള ഗവേഷണങ്ങളാണ്​ വിവിധയിടങ്ങളിൽ പുരോഗമിക്കുന്നത്​.

യു.എസിലെ യൂനിവേഴ്​സിറ്റി ഓഫ്​ നോർത്ത്​ കരോലിനയിലെ ശാസ്​ത്രജ്ഞരാണ്​ ഇതുസംബന്ധിച്ച ഗവേഷണത്തിന്‍റെ മുൻപന്തിയിലുള്ളത്​. ഇത്തരം വാക്​സിൻ ഇവർ എലികളിൽ പരീക്ഷിച്ച്​ തുടങ്ങിയെന്നാണ്​ റിപ്പോർട്ട്​. രണ്ടാം തലമുറ വാക്​സിൻ എന്ന് ​വിശേഷിപ്പിക്കപ്പെടുന്ന ഈ വാക്​സിന്‍റെ പരീക്ഷണം വിജയിച്ചുകഴിഞ്ഞാൽ, എല്ലാ കോവിഡ്​ വകഭേദങ്ങളെയും പ്രതിരോധിക്കുമെന്നാണ്​ യൂനിവേഴ്​സിറ്റി ഓഫ്​ നോർത്ത്​ കരോലിനയിലെ ശാസ്​ത്രജ്ഞർ അവകാശപ്പെടുന്നത്​.

സാർസ്​ ഇനത്തിൽപ്പെട്ട വൈറസുകൾ ഭാവിയിൽ ഉണ്ടാക്കിയേക്കാവുന്ന മഹാമാരികളെയും ഇതിന്​ പ്രതിരോധിക്കാനാകുമെന്നാണ്​ കണക്കുകൂട്ടൽ. ഒരേ ഇനം വൈറസിന്‍റെ രണ്ട്​ വകഭേദങ്ങളായ സാർസും കോവിഡ്​ 19ഉം ആണ്​ രണ്ട്​ ദശകങ്ങളായി ലോകത്തിന്​ ഭീഷണിയായി നിലനിൽക്കുന്നത്​. സാർസും കോവിഡ്​ 19ഉം ബാധിച്ച എലികളിലാണ്​ പുതിയ രണ്ടാം തലമുറ വാക്​സിന്‍റെ പരീക്ഷണങ്ങൾ നടക്കുന്നത്​. ഇതിലൂടെ എലികളിൽ ആന്‍റി ബോഡിയുണ്ടാക്കാൻ കഴിഞ്ഞാൽ അത്​ വലിയ നേട്ടമായിരിക്കുമെന്ന്​ ഗവേഷകർ ചൂണ്ടിക്കാട്ടുന്നു. എലികളിലെ പരീക്ഷണം വിജയിച്ചാൽ അടുത്ത വർഷം ഇത്​ മനുഷ്യരിൽ പരീക്ഷിക്കാൻ കഴിയുമെന്നാണ്​ പ്രതീക്ഷയെന്നും അവർ പറഞ്ഞു.

മഹാരാഷ്​ട്രയിൽ 21ഉം മധ്യപ്രദേശിൽ ആറും കേരളം, തമിഴ്​നാട്​എന്നിവിടങ്ങളിൽ മൂന്ന്​ വീതവും കർണാടകയിൽ രണ്ടും പഞ്ചാബ്​, ആന്ധ്രപ്രദേശ്​, ജമ്മു എന്നിവിടങ്ങളിൽ ഒന്ന്​ വീതവും ഡൽറ്റ പ്ലസ്​ കോവിഡ്​ വകഭേദമാണ്​ ഇന്ത്യയിൽ ക​​ണ്ടെത്തിയിരിക്കുന്നത്​. ഈ സാഹചര്യത്തിൽ 'സൂപ്പർ വാക്​സിൻ' സംബന്ധിച്ച ഗവേഷണങ്ങളെ ഏറെ പ്രതീക്ഷയോടെയാണ്​ ഇന്ത്യയും നോക്കിക്കാണുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Delta plus variantsuper vaccinesecond generation vaccine
News Summary - Scientists to develop 'super vaccine' that can fight all variants of Coronavirus
Next Story