മാതാവിന് സ്കീസോഫ്രീനിയ; പിതാവ് ആക്രമിക്കാൻ വരുന്നുവെന്നത് തോന്നൽ മാത്രമെന്ന് കൊല്ലപ്പെട്ട കർണാടക മുൻ ഡി.ജി.പിയുടെ മകൻ

ബംഗളൂരു: മാതാവിന് ഗുരുതരമായ മാനസിക പ്രശ്നങ്ങൾ ഉണ്ടായിരുന്നതായി കൊല്ലപ്പെട്ട കർണാടക മുൻ ഡി.ജി.പി ഓം പ്രകാശിന്റെ മകൻ കാർത്തിക്. മാതാവ് വർഷങ്ങളായി സ്കീസോഫ്രീനിയക്ക് ചികിത്സയിലായിരുന്നുവെന്ന വെളിപ്പെടുത്തൽ കാർത്തിക് നടത്തിയെന്നാണ് ഇന്ത്യ ടുഡേ ടി.വി റിപ്പോർട്ട് ചെയ്യുന്നത്.

കഴിഞ്ഞ 12 വർഷമായി ഡി.ജി.പിയുടെ ഭാര്യയായ പല്ലവി മനോരോഗത്തിന് ചികിത്സയിലായിരുന്നുവെന്നാണ് മകൻ വെളിപ്പെടുത്തിയിരിക്കുന്നത്. ഭർത്താവ് ആക്രമിക്കാൻ വരുന്നുവെന്നതും തോക്ക് ചൂണ്ടിയെന്നതുമെല്ലാം മാതാവിന്റെ വെറും തോന്നൽ മാത്രമാണെന്നും മകൻ വെളിപ്പെടുത്തിയിട്ടുണ്ട്.

അതേസമയം, സ്വത്ത് തർക്കമാണ് കൊലപാതകത്തിലേക്ക് നയിച്ചതെന്നാണ് പൊലീസ് പറയുന്നു. അടുത്തിടെ ഓം പ്രകാശ് വാങ്ങിയ സ്ഥലം സഹോദരിയുടെ പേരിൽ രജിസ്റ്റർ ചെയ്തിരുന്നു. ഇതിനെച്ചൊല്ലി നിരന്തരം വീട്ടിൽ വഴക്കുണ്ടായിരുന്നു. വഴക്കിനിടെ ഭാര്യ പല്ലവി ഓം പ്രകാശിനെ കുത്തി വീഴ്ത്തുകയായിരുന്നു. വയറിലും നെഞ്ചിലും ആഴത്തിലുള്ള പത്ത് മുറിവുകളുണ്ട്. നിലത്തുവീണ ഓം പ്രകാശ് പിടഞ്ഞു മരിക്കുന്നത് വരെ ഭാര്യ നോക്കി നിന്നു. ഈ സമയം വീട്ടിലുണ്ടായ മകളും ഓം പ്രകാശിനെ ആശുപത്രിയിലെത്തിക്കാൻ ശ്രമിച്ചില്ല എന്നും പൊലീസ് കണ്ടെത്തിയിട്ടുണ്ട്.

ഈ​സ്റ്റ​ർ ദി​ന​ത്തി​ലാണ് ബം​ഗ​ളൂ​രു ന​ഗ​ര​ത്തെ ഞെ​ട്ടി​ച്ച് 68കാരനായ മു​ൻ പൊ​ലീ​സ് ഉ​ദ്യോ​ഗ​സ്ഥ​ന്‍റെ കൊ​ല​പാ​ത​ക വാർത്ത പുറത്തുവന്നത്. ഓം ​പ്ര​കാ​ശി​നെ (68) ബം​ഗ​ളൂ​രു എ​ച്ച്.​എ​സ്.​ആ​ർ ലേ​ഔ​ട്ടി​ലെ വീ​ട്ടിലാണ് കൊ​ല്ല​പ്പെ​ട്ട നി​ല​യി​ൽ ക​ണ്ടെ​ത്തിയത്. മൂ​ന്നു നി​ല​യു​ള്ള വീ​ട്ടി​ലെ താ​ഴെ നി​ല​യി​ൽ പ​രി​ക്കു​ക​ളോ​ടെ ര​ക്ത​ത്തി​ൽ കു​ളി​ച്ചു​കി​ട​ക്കു​ന്ന നി​ല​യി​ലാ​യി​രു​ന്നു മൃ​ത​ദേ​ഹം. മു​തി​ർ​ന്ന പൊ​ലീ​സ് ഉ​ദ്യോ​ഗ​സ്ഥ​ർ സം​ഭ​വ​സ്ഥ​ല​ത്ത് പ​രി​ശോ​ധ​ന ന​ട​ത്തിയിരുന്നു.