പുരി രഥയാത്രക്ക്​ സ്​റ്റേ;​ അനുവദിച്ചാൽ ജഗന്നാഥൻ പൊറുക്കില്ല -സു​പ്രീംകോടതി

ന്യൂഡൽഹി: പുരി ജഗന്നാഥ ക്ഷേത്രത്തിൽ വർഷം തോറും നടത്തി വരാറുള്ള രഥ യാത്ര​ സുപ്രീംകോടതി സ്​റ്റേ ചെയ്​തു. രഥ യാത്രക്ക്​ അനുമതി നൽകിയാൽ ജഗന്നാഥൻ തങ്ങളോട്​ ക്ഷമിക്കില്ലെന്ന്​ പറഞ്ഞാണ് കോടതി​ യാത്ര സ്​റ്റേ ചെയ്​തത്​. 

കോവിഡ്​ മഹാമാരിയുടെ പശ്ചാത്തലത്തിൽ പൊതുജനാരോഗ്യത്തിലുള്ള താൽപര്യവും പൗരൻമാരുടെ സുരക്ഷയും മുൻനിർത്തി ഇത്തവണത്തെ രഥയാത്രക്ക്​ അനുമതി നൽകാനാവില്ലെന്ന്​ കോടതി വ്യക്തമാക്കി. ചീഫ്​ ജസ്​റ്റിസ്​ എസ്​.എ. ബോബ്​ഡെ അധ്യക്ഷനായ ജസ്​റ്റിസുമാരായ ദിനേഷ്​ മഹേശ്വരി, എ.എസ്​. ബൊപ്പണ്ണ എന്നിവരടങ്ങിയ ബെഞ്ചാണ്​ വിധി പറഞ്ഞത്​. 

മഹാമാരിക്കിടെ വലിയ കൂടിച്ചേരലുകൾ നടക്കരുത്​. അതിനാൽ ഇത്തവണത്തെ രഥയാത്രക്ക്​ അനുമതി നൽകുകയാണെങ്കിൽ ജഗന്നാഥൻ തങ്ങളോട്​ പൊറുക്കില്ലെന്ന്​ ചീഫ്​ ജസ്​റ്റിസ്​ പറഞ്ഞു. രഥയാത്രയോ തീർഥാടകരുടെ ഘോഷയാത്രയോ ബന്ധ​പ്പെട്ട നടപടിക്രമങ്ങളും അനുവദിക്കരുതെന്ന്​ ഒഡീഷ സർക്കാറിനോട്​ സുപ്രീംകോടതി നിർദേശിച്ചു. 

രഥയാത്ര റദ്ദാക്കുകയോ മാറ്റിവെക്കുകയോ ചെയ്യണമെന്നാവശ്യപ്പെട്ട്​ ഒഡീഷയിലെ ഒരു എൻ.ജി.ഒ സമർപ്പിച്ച പൊതുതാൽപര്യ ഹരജിയിലാണ്​ കോടതി ഉത്തരവ്​. 10 മുതൽ 12 വരെ ദിവസങ്ങൾ നീണ്ടു നിൽക്കുന്ന രഥയാത്രയിൽ ലോകത്തി​​​​െൻറ വിവിധ ഭാഗങ്ങളിൽ നിന്നായി ലക്ഷക്കണക്കിന്​ ആളുകളാണ്​ പ​െങ്കടുക്കാറ്​. 
 

LATEST VIDEO