നീറ്റ്​ പരീക്ഷ നീട്ടിവെക്കണമെന്ന ഹരജികൾ സുപ്രീംകോടതി തള്ളി

ന്യൂഡൽഹി: കോവിഡ്​ 19ൻെറ പശ്ചാത്തലത്തിൽ നാഷനൽ എൻട്രൻസ്​ എലിജിബിലിറ്റ്​ പരീക്ഷ മാറ്റി​െവക്കണമെന്ന്​ ആവശ്യപ്പെട്ട്​ സമർപ്പിച്ച പുതിയ ഹരജികൾ സുപ്രീംകോടതി പരിഗണിച്ചില്ല. ഇതോടെ നീറ്റ്​ പരീക്ഷ സെപ്​റ്റംബർ 13ന്​ തന്നെ നടക്കുമെന്ന്​ ഉറപ്പായി.

പരീക്ഷ നടത്തിപ്പിനായി സംസ്​ഥാനങ്ങൾ കോവിഡ്​ മാനദണ്ഡങ്ങൾ പാലിക്കുന്നതിന്​ സൗകര്യമേർപ്പെടുത്തുകയും സുരക്ഷ മുൻകരുതലുകൾ സ്വീകരിച്ചു തുടങ്ങിയതായും സു​പ്രീംകോടതി മൂന്നംഗ ബെഞ്ച്​ നിരീക്ഷിച്ചു. പരീക്ഷാർഥിക​െള സഹായിക്കാൻ എല്ലാ നടപടികളും സ്വീകരിക്കുമെന്നും കോടതി വ്യക്തമാക്കി.

നീറ്റ്​ പരീക്ഷ നടത്തിപ്പുമായി ബന്ധപ്പെട്ട തർക്കങ്ങളെല്ലാം അവസാനിച്ചതായി സുപ്രീംകോടതി വ്യക്തമാക്കി. പുതിയ ഹരജികൾ സ്വീകരിക്കാൻ ജസ്​റ്റിസ്​ അശോക്​ ഭൂഷൻെറ നേതൃത്വത്തിലുള്ള ബെഞ്ച്​ തയാറായില്ല.

രാജ്യത്തെ കോവിഡ്​ കേസുകൾ കുത്ത​െന ഉയരുന്നതായും കൂടുതൽ വിദ്യാർഥികൾ പരീക്ഷ എഴുതുന്നതിനാൽ സാമൂഹിക അകലം ഉൾപ്പെടെ പാലിക്കൽ സാധ്യമാകില്ലെന്നുമായിരുന്നു ഹരജിക്കാരുടെ വാദം. ജെ.ഇ.ഇ, നീറ്റ്​ പരീക്ഷകൾ മാറ്റണമെന്ന്​ ആവശ്യപ്പെട്ടുള്ള ഹരജികൾ ആഗസ്​റ്റ്​ 17ന്​ ജസ്​റ്റിസ്​ അരുൺ മിശ്ര അധ്യക്ഷനായ ബെഞ്ച്​ തള്ളിയിരുന്നു. വിദ്യാർഥികളുടെ ഭാവി ദീർഘകാലം അപകടത്തിലാക്കാൻ കഴിയില്ലെന്നും​ സുപ്രീംകോടതി അറിയിച്ചിരുന്നു.