ചാണകം കോവിഡ​്​ ഭേദമാക്കില്ലെന്ന്​ പറഞ്ഞതിന്​ അറസ്റ്റ്​ ചെയ്​ത മണിപ്പൂർ ആക്​ടിവിസ്റ്റിനെ ഉടൻ വിട്ടയക്കണമെന്ന്​ കോടതി

ന്യൂഡൽഹി: ഫേസ്​ബുക്ക്​ പോസ്റ്റിന്‍റെ പേരിൽ ദേശീയ സുരക്ഷ നിയമപ്രകാരം അറസ്റ്റ്​ ചെയ്​ത മണിപ്പൂർ ആക്​ടിവിസ്​റ്റിനെ ഉടൻ വിട്ടയക്കണമെന്ന്​ സുപ്രീംകോടതി. മേയ്​ 13നാണ്​ 40കാരനായ എരൻഡ്രോ ലെയ്​ചോമ്പവും 41കാരനായ കിശോരചന്ദ്ര വാങ്​ഖേമും അറസ്റ്റിലാകുന്നത്​.

'പശുവിന്‍റെ ചാണകമോ മൂത്രമോ കോവിഡ്​ ഭേദമാക്കില്ല' എന്നായിരുന്നു ഇരുവരുടെയും പോസ്റ്റ്​. ബി.ജെ.പി സംസ്​ഥാന ​പ്രസിഡന്‍റ്​ എസ്​. തികേന്ദ്ര സിങ്​ കോവിഡ്​ ബാധിച്ച്​ മേയ്​ 13ന്​ മരിച്ചതിനെ തുടർന്നായിരുന്നു വിമർശനം​.

മണിപ്പൂർ ബി.​െജ.പി വൈസ്​ പ്രസിഡന്‍റ്​ ഉഷം ദേബൻ, ജനറൽ സെക്രട്ടറി പി. പ്രേമാനന്ദ മീ​ട്ടെ എന്നിവരുടെ പരാതിയിലായിരുന്നു അറസ്റ്റ്​. 'ഈ വ്യക്തിയെ ഒരു ദിവസം പോലും തടങ്കലിൽവെക്കാൻ കഴിയില്ല' ജസ്റ്റിസ്​ ഡി.വൈ. ചന്ദ്രചൂഡ്​ പറഞ്ഞു.

മണിപ്പൂർ ആസ്​ഥാനമായി പ്രവർത്തിക്കുന്ന പ്രദേശിക രാഷ്​ട്രീയ പാർട്ടിയുടെ കൺവീനറാണ്​ ലെയ്​ചോമ്പം.

2018ൽ മണിപ്പൂർ മുഖ്യമന്ത്രി എൻ. ബിരേൻ സിങ്ങിനെയും പ്രധാനമന്ത്രി നരേന്ദ്രമോദിയെയും വിമർശിച്ചതിന്​ കിശോരചന്ദ്ര വാങ്​ഖേം അറസ്റ്റിലായിരുന്നു. 2019 ഏപ്രിലിലാണ്​ പിന്നീട്​ ഇദ്ദേഹം ജയിൽ മോചിതനാകുന്നത്​.