Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightയു.പി തെരഞ്ഞെടുപ്പിൽ...

യു.പി തെരഞ്ഞെടുപ്പിൽ ഒറ്റക്ക്​ മത്സരിക്കു​െമന്ന്​ ആവർത്തിച്ച്​ ബി.എസ്​.പി

text_fields
bookmark_border
യു.പി തെരഞ്ഞെടുപ്പിൽ ഒറ്റക്ക്​ മത്സരിക്കു​െമന്ന്​ ആവർത്തിച്ച്​ ബി.എസ്​.പി
cancel

ലഖ്​നേ: അടുത്ത വർഷം നടക്കാൻ പോകുന്ന ഉത്തർ പ്രദേശ്​ നിയമസഭ തെരഞ്ഞെടുപ്പിനായി രാഷ്​ട്രീയ പാർട്ടികൾ ഇപ്പോൾ തന്നെ ഒരുങ്ങുകയാണ്​. വിവിധ പാർട്ടികൾ തമ്മിൽ സഖ്യ ചർച്ചകളും പുരോഗമിക്കുകയാണ്​. നിയമസഭ തെരഞ്ഞെടുപ്പിൽ ഒറ്റക്ക്​ മത്സരിക്കുമെന്ന്​ ബഹുജൻ സമാജ്​ പാർട്ടി ജനറൽ സെക്രട്ടറി സതീശ്​ ചന്ദ്ര മിശ്ര വ്യക്തമാക്കി.

'ഞങ്ങളു​ടെ പാർട്ടി 2022 നിയമസഭ തെരഞ്ഞെടുപ്പിൽ ഒരു പാർട്ടിയുമായും സഖ്യമുണ്ടാക്കില്ല. ഇത്​ പല വേദികളിൽ വ്യക്തമാക്കിയതാണ്​. ഒറ്റക്ക്​ മത്സരിച്ച്​ കൊണ്ട്​ തന്നെ സംസ്​ഥാനത്ത്​ ഞങ്ങൾ സർക്കാർ ഉണ്ടാക്കും'-എസ്​.സി. മിശ്ര മാധ്യമപ്രവർത്തകരോട്​ പറഞ്ഞു.

നേരത്തെ അസദുദ്ദീൻ ഉവൈസിയുടെ ആൾ ഇന്ത്യ മജ്​ലിസെ ഇത്തിഹാദുൽ മുസ്​ലിമീനുമായി സഖ്യമുണ്ടാക്കുമെന്ന വാർത്തകൾ നേരത്തെ തന്നെ ബി.എസ്​.പി നിഷേധിച്ചിരുന്നു. ഉത്തർപ്രദേശിലും ഉത്തരാഖണ്ഡിലും നടക്കാൻ പോകുന്ന തെരഞ്ഞെടുപ്പിൽ ഒറ്റക്ക്​ മത്സരിക്കുമെന്ന്​ ബി.എസ്​.പി അധ്യക്ഷ മായാവതിയാണ്​ വ്യക്തമാക്കിയത്​.

2017ൽ 403 സീറ്റുകളിലേക്ക്​ നടന്ന നിയമസഭ തെരഞ്ഞെടുപ്പിൽ ​19 സീറ്റ്​ മാത്രമാണ് പാർട്ടിക്ക്​​ നേടാനായത്​. അതേസമയം പഞ്ചാബിൽ മുൻ ബി.ജെ.പി സഖ്യകക്ഷിയായ ശിരോമണി അകാലിദളുമായി ബി.എസ്​.പി സഖ്യമുണ്ടാക്കിയിട്ടുണ്ട്​.

Show Full Article
TAGS:bsp UP election 2022 uttar pradesh 
News Summary - SC Mishra says BSP to not ally with any party in UP election 2022
Next Story