സജ്ജൻ കുമാറിെൻറ ജാമ്യ ഹരജി; സുപ്രീംകോടതി ജഡ്ജി പിൻമാറി
text_fields
ന്യൂഡൽഹി: സിഖ് വിരുദ്ധ കലാപത്തിലെ കുറ്റവാളി സജ്ജൻ കുമാറിെൻറ ജാമ്യ ഹരജിയിൽ വാദം കേൾക്കുന്നതിൽ നിന്ന് സ ുപ്രീംകോടതി ജഡ്ജി സഞ്ജീവ് ഖന്ന പിൻമാറി. വിശദമായ വാദം കേൾക്കലിനായി ഹരജി മറ്റൊരു ബെഞ്ചിലേക്ക് മാറ്റും.
മൂന്ന് തവണ എം.പി ആയി സേവനമനുഷ്ഠിച്ച സജ്ജൻ കുമാർ കഴിഞ്ഞ മാസമാണ് തന്നെ കുറ്റവാളിയാക്കിയതിനെ ചോദ്യം ചെയ്തുകൊണ്ട് സുപ്രീംകോടതിയെ സമീപിച്ചത്. ഇക്കാര്യത്തിൽ പ്രതികരണം തേടി സുപ്രീംകോടതി സി.ബി.െഎക്ക് നോട്ടീസയച്ചിരുന്നു.
സിഖ് വിരുദ്ധ കലാപത്തിെൻറ ഭാഗമായി 1984 നവംബർ ഒന്നിന് രാജ് നഗറിലെ ഒരു കുടുംബത്തിലെ അഞ്ച് അംഗങ്ങെള കൊല ചെയ്യുകയും ഡൽഹിയിലെ സിഖ് ആരാധനാലയമായ ഗുരുദ്വാര അഗ്നിക്കിരയാക്കുകയും ചെയ്ത കേസിൽ സജ്ജൻ കുമാർ കുറ്റവാളിയാണെന്ന് കഴിഞ്ഞ വർഷം ഡിസംബർ 17ന് ഡൽഹി ഹൈകോടതി കണ്ടെത്തിയിരുന്നു. തുടർന്ന് സജ്ജൻ കുമാറിനെ ജീവപര്യന്തം തടവിന് ശിക്ഷിച്ചിരുന്നു.
കഴിഞ്ഞ വർഷം ഡിസംബർ 31ന് ഡൽഹി കക്കർടൂമ കോടതിയിലെത്തിയാണ് സജ്ജൻ കുമാർ കീഴടങ്ങിയത്. 34 വർഷത്തിനു ശേഷമാണ് കേസിൽ ഇരകൾക്ക് നീതി ലഭിച്ചത്.