സുപ്രീംകോടതി വിധിക്ക്​ കൈക്കൂലി; കേസിൽ അന്വേഷണം ആവശ്യപ്പെട്ട ഹരജി തള്ളി

ന്യൂഡല്‍ഹി: മെഡിക്കല്‍ കോളജ് പ്രവേശനാനുമതിക്ക്​ സുപ്രീംകോടതിയിൽ നിന്ന്​ അനുകൂല വിധി ലഭിക്കാൻ കൈക്കൂലി നൽകി​യെന്ന കേസ്​ അന്വേഷിക്കാൻ പ്രത്യേക സംഘത്തെ നിയോഗിക്കണമെന്നാവശ്യപ്പെടുന്ന ഹരജി  സുപ്രീംകോടതി തള്ളി. ഹരജി കോടതിയുടെ വിലപ്പെട്ട സമയം നഷ്​ടപ്പെടുത്തി എന്ന്​ കാണിച്ച്​  ഹരജിക്കാർക്ക്​ 25 ലക്ഷം രൂപ പിഴയും വിധിച്ചു. 

ശാന്തി ഭൂഷൺ, പ്രശാന്ത് ഭൂഷൺ തുടങ്ങി മുതിർന്ന അഭിഭാഷകർ അംഗങ്ങളായ ജുഡീഷ്യല്‍ അക്കൗണ്ടബിലിറ്റി ആൻഡ്​ റിഫോംസ് എന്ന സന്നദ്ധസംഘടന  സമർപ്പിച്ച ഹരജിയാണ്​ ജസ്​റ്റിസുമാരായ  ആർ.കെ. അഗര്‍വാള്‍, അരുണ്‍ മിശ്ര, എ.എം. ഖാന്‍വിൽക്കർ എന്നിവരടങ്ങിയ ബെഞ്ച്​ തള്ളിയത്​. പിഴ ആറുമാസത്തിനകം അടക്കണമെന്നും ഇത്​ സുപ്രീം​േ​കാടതി ബാർ അസോസിയേഷ​​െൻറ പ്രവർത്തനങ്ങൾക്ക്​ ഉപ​േയാഗിക്കുമെന്നും ബെഞ്ച്​ വ്യക്​തമാക്കി. നേരത്തേ, ഇതേ ആവശ്യമുന്നയിച്ച് മുതിർന്ന അഭിഭാഷക കാമിനി ജെയ്‌സ്വാള്‍ നല്‍കിയ ഹരജിയും സുപ്രീംകോടതി തള്ളിയിരുന്നു. 

ലഖ്​​​നോവിലെ പ്രസാദ്​ എജുക്കേഷനൽ ട്രസ്​റ്റ്​ മെഡിക്കൽ കോളജിനുള്ള അനുമതി റദ്ദാക്കിയതിനെതിരെ സമർപ്പിച്ച ഹരജി ചീഫ്​ ജസ്​റ്റിസി​​െൻറ ബെ​ഞ്ച്​ പരിഗണിക്കു​േമ്പാൾ അനുകൂല വിധി വാങ്ങിത്തരാമെന്ന്​ പറഞ്ഞ്​ ഒഡിഷ ഹൈകോടതി റിട്ട. ജഡ്​ജി ​െഎ.എം. ഖുദ്ദൂസി അടക്കമുള്ളവർ കൈക്കൂലി വാങ്ങിയതാണ്​ കേസ്​. ഇതിനായി കൈമാറിയ ഒരുകോടി രൂപ ഖുദ്ദൂസിയിൽനിന്ന്​ സി.ബി.​െഎ പിടിച്ചെടുത്തിരുന്നു. ചീഫ്​ ജസ്​റ്റിസി​​െൻറ ബെഞ്ചിൽനിന്ന്​ അനുകൂല വിധി വാങ്ങിത്തരാമെന്ന്​ ഇൗ സംഘം പറഞ്ഞതിനാൽ സുപ്രീംകോടതിയുടെ മേലും കരിനിഴലുണ്ടെന്നും അതിനാൽ റിട്ട. ചീഫ്​ ജസ്​റ്റിസി​​െൻറ മേൽനോട്ടത്തിലുള്ള പ്രത്യേക അന്വേഷണസംഘം രൂപവത്​കരിക്കണമെന്നും ആവശ്യപ്പെട്ടായിരുന്നു ഹരജി.