സാമ്പത്തിക സംവരണം ഭരണഘടന ബെഞ്ചിന്​ വിടുന്നത്​ വിധിപറയാൻ മാറ്റി

ന്യൂഡൽഹി: മുന്നാക്ക ജാതിക്കാരിൽ സാമ്പത്തികമായി പിന്നാക്കം നിൽക്കുന്നവർക്ക് ഭരണഘടന ഭേദഗതിയിലൂടെ​ 10 ശതമാനം സ ംവരണം വിപുലമായ ഭരണഘടന ബെഞ്ചിന്​ വിടണമോ എന്ന വിഷയം സുപ്രീംകോടതി വിധി പറയാനായി മാറ്റി. ജോലിയിലും പഠനത്തിലും സാമ്പത്തികമായി പിന്നാക്കം നിൽക്കുന്നവർക്ക്​ സംവരണം നൽകുന്നതിന്​ ഭരണഘടന ഭേദഗതി ചെയ്യ​ാമോ എന്ന ചോദ്യത്തിന്​ ആര്​ ഉത്തരം നൽകണമെന്നതാണ്​ വിഷയമെന്ന്​ ജസ്​റ്റിസ്​ എസ്​.എ. ബോബ്​ഡെ അധ്യക്ഷനായ ബെഞ്ച്​ ചൂണ്ടിക്കാട്ടി.

ഭരണഘടന ബെഞ്ചിന്​ വിടാതെ വിഷയം ഇൗ മുന്നംഗ ബെഞ്ച്​ തീർപ്പാക്കിയാൽ മതിയെന്നാണ്​ സാമ്പത്തിക സംവരണത്തെ അനുകൂലിച്ച കേന്ദ്ര സർക്കാറിന​ുവേണ്ടി അറ്റോണി ജനറൽ കെ.കെ. വേണുഗോപാൽ നിലപാട്​ സ്വീകരിച്ചത്​. എന്നാൽ, ഇതിനെ എതിർത്ത അഡ്വ. രാജീവ്​ ധവാൻ സംവരണം സാമുദായികമായി മാത്രമേ ഇന്ത്യൻ ഭരണഘടന അനുവദിച്ചിട്ടുള്ളൂ​െവന്നും അതിന്​ വിരുദ്ധമായ നിയമനിർമാണം നിലനിൽക്കി​െല്ലന്നും വാദിച്ചു. ഇത​​ുമായി ബന്ധപ്പെട്ട ഭരണഘടന വിഷയങ്ങൾ വിപുലമായ ബെഞ്ച്​ പരിശോധിക്കണമെന്ന്​ ധവാൻ തുടർന്നു.

രണ്ടാമതായി, സംവരണത്തി​​െൻറ പരിധി 50 ശതമാനത്തിൽ കവിയരുതെന്ന നിർദേശം ഇവിടെ ലംഘിക്കപ്പെടുകയാണെന്നും ഇത്​ ഭരണഘടന അനുവദിക്കുന്ന തുല്യാവസരത്തിനെതിരാണെന്നും ധവാൻ വാദിച്ചു. കുടുതൽ സംവരണം തുല്യാവസരത്തെ ബാധിക്കുമെന്ന്​ സുപ്രീംകോടതി ചൊവ്വാഴ്​ച നിരീക്ഷിച്ചിരുന്നു. സംവരണ വിരുദ്ധരും അനുകൂലികളുമായ നിരവധിപേർ കക്ഷി ചേർന്ന കേസിൽ കേരളത്തിൽനിന്ന്​ ജസ്​റ്റീഷ്യ, എസ്.എൻ.ഡി.പി, കേരള മുന്നാക്ക സമുദായ ​െഎക്യമുന്നണി തുടങ്ങിയ സംഘടനകളും കക്ഷി ചേർന്നിട്ട​ുണ്ട്​