ആരാധനാലയങ്ങൾ സമാധാനത്തിന്‍റെ കേന്ദ്രങ്ങൾ -സാദിഖലി തങ്ങൾ

ബംഗളൂരു: ആരാധനാലയങ്ങൾ സമാധാനത്തി​​െൻറയും സഹവർത്തിത്വത്തി​​െൻറയും കേന്ദ്രങ്ങളാണെന്ന് പാണക്കാട് സാദിഖലി ശിഹാബ് തങ്ങൾ പറഞ്ഞു. ഒാൾ ഇന്ത്യ കെ.എം.സി.സി ബംഗളൂരു സെൻട്രൽ കമ്മിറ്റിയും എച്ച്.എസ്.ആർ ഏരിയ കമ്മിറ്റിയും കൂടി ആന്ധ്രപ്രദേശിലെ കദ്രി താലൂക്കിലെ തുമ്മല ഗ്രാമത്തിൽ നിർമാണം പൂർത്തിയാക്കിയ മസ്ജിദ് റഹ്​മ യുടെ ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം.

ഒരു നാട്ടിലെ അറിവി​​െൻറയും നന്മകളുടെയും പ്രഭവകേന്ദ്രങ്ങളാവേണ്ടത് ആരാധനാലയങ്ങളാണ്. അവയുടെ പവിത്രത സംരക്ഷിക്കേണ്ടത് വിശ്വാസികളുടെ ബാധ്യതയാണ്. ദൈവിക സ്മരണയിലധിഷ്ഠിതമായ ഭക്തി സാന്ദ്രമായ ജീവിതം കാഴ്ചവെച്ചാവണം ആരാധനാലയങ്ങളെ ബഹുമാനിക്കേണ്ടതെന്നും അദ്ദേഹം കൂട്ടിച്ചേർത്തു.