Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightയു.പി നിയമസഭയിൽ...

യു.പി നിയമസഭയിൽ സവർക്കറുടെ ചിത്രം; നീക്കണമെന്ന്​ കോൺഗ്രസ്​

text_fields
bookmark_border
യു.പി നിയമസഭയിൽ സവർക്കറുടെ ചിത്രം; നീക്കണമെന്ന്​ കോൺഗ്രസ്​
cancel

ലഖ്​നോ: ഉത്തർപ്രദേശ്​ നിയമസഭ കൗൺസിൽ ഗാലറിയിൽ തീവ്രഹിന്ദുത്വ സൈദ്ധാന്തികൻ സവർക്കറുടെ ചിത്രം തൂക്കിയതിനെ ചൊല്ലി വിവാദം. ചിത്രം നീക്കണമെന്നാവശ്യപ്പെട്ട്​ കോൺഗ്രസ്​ അംഗം ദീപക്​ സിങ്​ സഭ അധ്യക്ഷന്​ കത്തെഴുതി. ചൊവ്വാഴ്​ച മുഖ്യമന്ത്രി യോഗി ആദിത്യനാഥാണ്​ സവർക്കറുടെ ചിത്രം അനാച്ഛാദനം ചെയ്​തത്​.

ബ്രിട്ടീഷുകാർക്ക്​ മുന്നിൽ തലകുനിക്കാതെ പോരാടിയ സ്വാതന്ത്ര്യസമര സേനാനികൾക്കൊപ്പം സവർക്കറുടെ ചിത്രം വെച്ചത്​ അപമാനമാണെന്ന്​ ദീപക്​ സിങ്​ പറഞ്ഞു. ത​‍െൻറ കത്ത്​ പരിശോധിക്കാൻ സഭ അധ്യക്ഷൻ പ്രിൻസിപ്പൽ സെക്രട്ടറിക്ക്​ കൈമാറിയിട്ടുണ്ടെന്ന്​ അദ്ദേഹം വ്യക്തമാക്കി. സംഭവത്തോട്​ കൃത്യമായി പ്രതികരിക്കാൻ സമാജ്​വാദി പാർട്ടി നേതാവും മുൻ മുഖ്യമന്ത്രിയുമായ അഖിലേഷ്​ യാദവ്​ തയാറായില്ല.

വിവിധ വ്യക്തികൾ സ്വാതന്ത്ര്യ സമരത്തിന്​ നൽകിയ സംഭാവന സംബന്ധിച്ച്​ യുവാക്കൾക്കിടയിൽ ചർച്ച നടത്തണമെന്നും കൃത്യമായ പങ്കുവഹിച്ചവരെയെല്ലാം ആദരിക്കണമെന്നുമാണ്​ അദ്ദേഹം പറഞ്ഞത്​. മഹാനായ സ്വാതന്ത്ര്യ സമരസേനാനിയായ സവർക്കർ ഇന്ത്യക്കാർക്കാകെ പ്രചോദനമാണെന്ന്​ ചിത്രം അനാച്ഛാദനം ചെയ്യുന്ന വേളയിൽ യോഗി പറഞ്ഞിരുന്നു.

Show Full Article
TAGS:Savarkar congress bjp 
News Summary - Savarkar's Portrait In UP Legislative Council's Picture Gallery, congress
Next Story