യു.പിയിൽ ശനിയാഴ്​ച ‘സ്​കൂൾ ബാഗ്​ രഹിത ദിന’മാക്കുന്നു 

ല​ഖ്​​​നോ: ഉ​ത്ത​ർ​പ്ര​ദേ​ശി​​ലെ സ​ർ​ക്കാ​ർ സ്​​കൂ​ളു​ക​ളി​ൽ ശ​നി​യാ​ഴ്​​ച ‘സ്​​കൂ​ൾ ബാ​ഗ്​ ര​ഹി​ത ദി​ന’​മാ​യി പ്ര​ഖ്യാ​പി​ക്കാ​ൻ നീ​ക്കം. ഉ​പ​മു​ഖ്യ​മ​ന്ത്രി ദി​നേ​ശ്​ ശ​ർ​മ​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ലാ​ണ്​ നി​ർ​ദേ​ശ​മു​ണ്ടാ​യ​ത്. ശ​നി​യാ​ഴ്​​ച​ക​ളി​ൽ വി​ദ്യാ​ർ​ഥി​ക​ൾ​ക്ക്​ ബാ​ഗി​ല്ലാ​തെ സ്​​കൂ​ളി​ലെ​ത്താം. കൂ​ടു​ത​ൽ ക്രി​യാ​ത്മ​ക പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടാ​ൻ ഇ​ത്​ സ​ഹാ​യി​ക്കു​മെ​ന്നാ​ണ്​ വി​ല​യി​രു​ത്ത​ൽ. 

നേ​ര​ത്തേ, സ​ർ​ക്കാ​ർ സ്​​കൂ​ളു​ക​ളി​ലെ വി​ദ്യാ​ർ​ഥി​ക​ൾ കാ​ക്കി യൂ​നി​ഫോം ധ​രി​ക്കു​ന്ന​ത്​ സ​ർ​ക്കാ​ർ നി​ർ​ത്ത​ലാ​ക്കി​യി​രു​ന്നു. കാ​ക്കി നി​റ​ത്തി​ലു​ള്ള യൂ​നി​ഫോ​മി​നോ​ട്​ മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥ്​ അ​തൃ​പ്​​തി പ്ര​ക​ടി​പ്പി​ച്ച​തി​നു പി​ന്നാ​ലെ​യാ​യി​രു​ന്നു ന​ട​പ​ടി. പൊ​ലീ​സു​കാ​രു​ടെ വേ​ഷ​ത്തി​നു സ​മാ​ന​മാ​ണ്​ വി​ദ്യാ​ർ​ഥി​ക​ളു​ടെ യൂ​നി​ഫോ​മെ​ന്നാ​ണ്​ അ​ദ്ദേ​ഹം അ​ഭി​പ്രാ​യ​പ്പെ​ട്ട​ത്. 

ജൂ​ലൈ​യി​ൽ ആ​രം​ഭി​ക്കു​ന്ന പു​തി​യ അ​ധ്യ​യ​ന​വ​ർ​ഷം മു​ത​ൽ പി​ങ്കും വെ​ള്ള​യും വ​ര​ക​ളു​ള്ള ഷ​ർ​ട്ടും ത​വി​ട്ടു​നി​റ​ത്തി​ലു​ള്ള പാ​ൻ​റ്​​സ്​/​സ്​​ക​ർ​ട്ടും  ധ​രി​ച്ചാ​കും വി​ദ്യാ​ർ​ഥി​ക​ൾ സ്​​കൂ​ളി​ലെ​ത്തു​ക. മു​തി​ർ​ന്ന ക്ലാ​സു​ക​ളി​ലെ പെ​ൺ​കു​ട്ടി​ക​ൾ​ക്ക്​ ചാ​ര​നി​റ​ത്തി​ലു​ള്ള സ​ൽ​വാ​റും ദു​പ്പ​ട്ട​യും ചു​വ​ന്ന കു​ർ​ത്ത​യു​മാ​ണ്​ വേ​ഷം. സം​സ്​​ഥാ​ന​ത്തെ 75 ജി​ല്ല​ക​ളി​ലാ​യി 1.68 ല​ക്ഷം സ​ർ​ക്കാ​ർ സ്​​കൂ​ളു​ക​ളി​ൽ 1.78 കോ​ടി വി​ദ്യാ​ർ​ഥി​ക​ളു​ണ്ട്. ജൂ​ലൈ ഒ​ന്നു മു​ത​ൽ പ​ത്തു വ​രെ എ​ല്ലാ നി​ർ​ധ​ന വി​ദ്യാ​ർ​ഥി​ക​ൾ​ക്കും പു​സ്​​ത​കം, യൂ​നി​ഫോം, ചെ​രി​പ്പ്, സ്​​കൂ​ൾ ബാ​ഗ്​ എ​ന്നി​വ സൗ​ജ​ന്യ​മാ​യി ന​ൽ​കു​മെ​ന്ന ബി.​ജെ.​പി​യു​ടെ തെ​ര​ഞ്ഞെ​ടു​പ്പ്​ വാ​ഗ്ദാ​നം ന​ട​പ്പാ​ക്കാ​നു​ള്ള ശ്ര​മ​ത്തി​ലാ​ണ്​ സ​ർ​ക്കാ​ർ.