You are here

തീവ്രവാദ കേസിൽ അറസ്​റ്റിലായ സർപഞ്ചിനെ പാർട്ടി​ പുറത്താക്കിയിരുന്നു -ബി.ജെ.പി

17:31 PM
01/05/2020

ശ്രീനഗർ: തീവ്രവാദ കേസിൽ ദേശീയ അന്വേഷണ ഏജൻസി (എൻ.‌ഐ‌.എ) ബുധനാഴ്ച അറസ്റ്റുചെയ്ത മുൻ സർപഞ്ചിനെ പാർട്ടി പുറത്താക്കിയിരുന്നതായി ബി.ജെ.പി. ഷോപിയാനിലെ മുൻ സർപഞ്ച്​ താരിഖ് അഹ്മദ് മിർ (36) ആണ്​ ബുധനാഴ്​ച അറസ്​റ്റിലായത്​. ബി.ജെ.പി പിന്തുണയോടെ സർപഞ്ച്​ സ്​ഥാനത്തേക്ക്​ തെരഞ്ഞെടുക്കപ്പെട്ട ഇയാൾ, 2014ൽ ജമ്മു കശ്മീർ നിയമസഭ തെരഞ്ഞെടുപ്പിൽ ബി.ജെ.പി ടിക്കറ്റിൽ മത്സരിച്ച്​ പരാജയപ്പെടുകയും ചെയ്​തിരുന്നു. 

ജനുവരിയിൽ ഹിസ്ബുൽ മുജാഹിദീൻ തീവ്രവാദികളോടൊപ്പം അറസ്​റ്റിലായ ജമ്മു കശ്മീർ ഡി.വൈ.എസ്​.പി ദേവിന്ദർ സിങ്ങും കൂട്ടാളികളുമാണ്​ താരിഖി​നെതിരെ എൻ.ഐ.എക്ക്​ മൊഴി നൽകിയത്​. തീവ്രവാദ ഗ്രൂപ്പുകൾക്ക് ആയുധങ്ങൾ നൽകുന്നതിൽ ഇയാൾക്ക്​ പങ്കുണ്ടെന്നാണ്​ ഇവരുടെ മൊഴി. ഇതി​​െൻറ അടിസ്​ഥാനത്തിലാണ്​ അറസ്​റ്റ്​.

2011ലാണ്​ ഷോപിയാൻ സർപഞ്ചായി താരിഖ് തെരഞ്ഞെടുക്കപ്പെട്ടത്. 2014 ൽ ദക്ഷിണ കശ്മീരിലെ വാച്ചി നിയമസഭാ സീറ്റിൽ ബിജെ.പി സ്ഥാനാർത്ഥിയുമായിരുന്നു. എന്നാൽ, പാർട്ടി വിരുദ്ധ പ്രവർത്തനങ്ങൾക്ക് പിന്നീട്​ ബി​.ജെ.പിയിൽനിന്ന്​ പുറത്താക്കിയിരുന്നുവെന്ന്​ ശ്രീനഗറിലെ പാർട്ടി വക്താവ് അൽതാഫ് താക്കൂർ പറഞ്ഞു. 2018 ഒക്ടോബർ 3 ന് പ്രാഥമിക അംഗത്വം റദ്ദാക്കിയതായാണ്​ താക്കൂർ ‘ദി ഹിന്ദു’വിനോട്​ പറഞ്ഞത്​.  

‘‘പാർട്ടി പരിപാടികളിൽ പങ്കെടുക്കുന്നില്ലെന്ന് കണ്ടെത്തിയപ്പോൾ, അച്ചടക്ക സമിതി അദ്ദേഹത്തി​​െൻറ അംഗത്വം അവസാനിപ്പിച്ചു. നമ്മുടെ പ്രത്യയശാസ്ത്രവുമായി പൊരുത്തപ്പെടാത്ത പാർട്ടികളുമായി അദ്ദേഹത്തിന്​ ബന്ധമുണ്ടായിരുന്നു’’ -താക്കൂർ പറഞ്ഞു.

Loading...
COMMENTS