ശാരദ കുംഭകോണം: മാതങ് സിന്‍ഹിന്‍െറ ഫ്ലാറ്റുകള്‍ കണ്ടുകെട്ടി

ന്യൂഡല്‍ഹി: ശാരദ ചിട്ടി കുംഭകോണ കേസില്‍ മുന്‍ കേന്ദ്രമന്ത്രി മാതങ് സിന്‍ഹിന്‍െറ 100 കോടി രൂപ വിലമതിക്കുന്ന രണ്ട് ഫ്ളാറ്റുകള്‍ എന്‍ഫോഴ്സ്മെന്‍റ് ഡയറക്ടറേറ്റ് കണ്ടുകെട്ടി. ന്യൂഡല്‍ഹിയില്‍ ല്യൂട്ടന്‍സ് മേഖലയിലുള്ള രണ്ട് ഫ്ളാറ്റുകളാണ് മണി ലോന്‍ഡറിങ് നിയമപ്രകാരം എന്‍ഫോഴ്സ്മെന്‍റ് ഡയറക്ടറേറ്റ് പിടിച്ചെടുത്തത്. മാതങ് സിന്‍ഹിന്‍െറയും അദ്ദേഹവുമായി അകന്നുകഴിയുന്ന ഭാര്യയുടെയും പേരിലാണ് ഈ രണ്ട് ഫ്ളാറ്റുകളുമെന്ന് അധികൃതര്‍ പറഞ്ഞു. നിലവില്‍ കേസുമായി ബന്ധപ്പെട്ട് മാതങ് സിന്‍ഹ് ജുഡീഷ്യല്‍ കസ്റ്റഡിയിലാണ്.