ലോ​ട്ട​റി മാ​ർ​ട്ടി​െൻറ ഉ​ട​മ​സ്​​ഥ​ത​യി​ലു​ള്ള സ്വ​കാ​ര്യ ഹോ​മി​യോ കോ​ള​ജി​ൽ വി​ദ്യാ​ർ​ഥി സ​മ​രം

കോയമ്പത്തൂർ: കോളജ് പ്രിൻസിപൽ അപമര്യാദയായി പെരുമാറുന്നുവെന്ന് ആരോപിച്ച് നഗരത്തിലെ സ്വകാര്യ ഹോമിയോ കോളജിലെ വിദ്യാർഥികൾ സമരത്തിൽ.  കോയമ്പത്തൂർ തുടിയല്ലൂർ മേട്ടുപാളയം റോഡിൽ ജി.എൻ മില്ലിന് സമീപം ലോട്ടറി രാജാവായ മാർട്ടി​െൻറ ഉടമസ്ഥതയിലുള്ള ഹോമിയോ കോളജിലാണ് സംഭവം. കോളജ് പ്രിൻസിപ്പലായ ശെന്തിൽകുമരൻ മിക്കപ്പോഴും ലൈംഗികചുവയുള്ള ദ്വയാർഥത്തിൽ സംസാരിക്കുന്നതായാണ് വിദ്യാർഥികളുടെ മുഖ്യപരാതി. വിദ്യാർഥികൾ മാനേജ്മ​െൻറിന് പരാതി നൽകിയതി​െൻറ അടിസ്ഥാനത്തിൽ പ്രിൻസിപ്പൽ സ്ഥാനത്തുനിന്ന് ശെന്തിൽകുമരനെ മാറ്റി മറ്റൊരു വകുപ്പിൽ നിയമിച്ചു. 

പകരം മുരുകേശനെയാണ് പ്രിൻസിപ്പലാക്കിയത്. എന്നാൽ തുടർന്നുള്ള ദിവസങ്ങളിലും ശെന്തിൽകുമരൻ വിദ്യാർഥികളോട് അപമര്യാദയായി പെരുമാറുന്നത് തുടർന്നു. പ്രശ്നത്തിൽ കോളജ് മാനേജ്മ​െൻറ് പ്രതിനിധിയും മാർട്ടി​െൻറ ഭാര്യയുമായ ലീമറോസ് ശരിയായ നടപടി സ്വീകരിച്ചില്ലെന്നാണ് വിദ്യാർഥികളുടെ ആക്ഷേപം. 
ഇതേ തുടർന്നാണ് വെള്ളിയാഴ്ച വൈകീട്ട് മുതൽ വിദ്യാർഥികൾ വായ മൂടി കെട്ടി കുത്തിയിരിപ്പ് സമരം ആരംഭിച്ചത്.

രാത്രി ഉന്നത പൊലീസ് -റവന്യു ഉദ്യോഗസ്ഥർ എത്തി ചർച്ച നടത്തിയെങ്കിലും സമരത്തിൽനിന്ന് വിദ്യാർഥികൾ പിൻമാറാൻ തയാറായില്ല. സമരപന്തലിൽ മയങ്ങിവീണ രണ്ട് വിദ്യാർഥികളെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവം ഒച്ചപ്പാടായതോടെ കോളജ് അനിശ്ചിതകാലത്തേക്ക് അടച്ചിടുന്നതായി മാനേജ്മ​െൻറ് പ്രഖ്യാപിച്ചു.  ശനിയാഴ്ച ഉച്ചക്ക് കോളജ് മാനേജ്മ​െൻറ് ജോ. ഡയറക്ടറും മാർട്ടി​െൻറ മകനുമായ ചാർലസ് മാർട്ടിൻ, പ്രിൻസിപ്പൽ മുരുകേശൻ എന്നിവർ വിദ്യാർഥികളുമായി ചർച്ച നടത്തി. വിദ്യാർഥികളുന്നയിച്ച പ്രശ്നങ്ങളിൽ നടപടിയെടുക്കാമെന്ന് മാനേജ്മ​െൻറ് ഉറപ്പ് നൽകി. ഇതേ തുടർന്ന് സമരം പിൻവലിച്ചു. 250ഒാളം വിദ്യാർഥികൾ പഠിക്കുന്ന കോളജിൽ ഭൂരിഭാഗവും മലയാളികളാണ്.