സാനിയയുടെ സഹോദരി അനവും​ അസ്​ഹറുദ്ദീ​െൻറ മകൻ ആസാദുദ്ദീനും വിവാഹിതരായി

ഹൈദരാബാദ്​: ഇന്ത്യൻ ക്രിക്കറ്റ് ടീം മുൻ നായകൻ മുഹമ്മദ് അസ്ഹറുദ്ദീ​​െൻറ മകൻ ആസാദുദ്ദീനും ടെന്നിസ് താരം സാനിയ മിർസയുടെ സഹോദരി അനം മിർസയും വിവാഹിതരായി. ബുധനാഴ്​ച വൈകിട്ട്​ ഹൈദരാബാദിൽ വെച്ചാണ്​ വിവാഹ ചടങ്ങുകൾ നടന്നത്​. വിവാഹചിത്രങ്ങൾ അനവും ആസാദും ഇൻസ്​റ്റഗ്രാമിലൂടെ പുറത്തുവിട്ടു.

അനത്തി​​െൻറ ബ്രൈഡൽ ഷവർ ചിത്രങ്ങളും മെഹ്​ന്ദി ചടങ്ങളിലെ ആഘോഷങ്ങളുമെല്ലാം സഹോദരി സാനിയ മിർസ ഇൻസ്​റ്റഗ്രാമിൽ പങ്കുവെച്ചിരുന്നു.

സ്റ്റൈലിസ്റ്റായി ജോലി ചെയ്യുന്ന അനം മിർസയുടെ രണ്ടാം വിവാഹമാണ് ഇത്. 2016 നവംബർ 18ന് അക്ബർ റഷീദ് എന്നയാളെ അനം മിർസ വിവാഹം ചെയ്തിരുന്നു. എന്നാൽ, ഒന്നര വർഷത്തോളം നീണ്ട ദാമ്പത്യത്തിനു ശേഷം 2018ൽ ഇരുവരും പരസ്പര സമ്മതത്തോടെ പിരിയുകയായിരുന്നു.

മുഹമ്മദ് അസ്ഹറുദ്ദീന് ആദ്യ ഭാര്യ നൗറീനിലുള്ള മൂത്ത മകനാണ് ആസാദുദ്ദീൻ എന്ന ആസാദ്. പിതാവി​​െൻറ പാത പിന്തുടർന്ന് ക്രിക്കറ്റ് താരമായ ആസാദ്, 2018ൽ ഗോവ ടീമിലേക്ക് തെരഞ്ഞെടുക്കപ്പെട്ടിരുന്നു.