സന്ദേശ്ഖലിയിലേക്ക് പോയ വൃന്ദ കാരാട്ടിനെ പൊലീസ് തടഞ്ഞു

കൊൽക്കത്ത: പശ്ചിമ ബംഗാളിൽ സംഘർഷം പുകയുന്ന സന്ദേശ്ഖലിയിലേക്കു പോയ മുതിർന്ന സി.പി.എം നേതാവ് വൃന്ദ കാരാട്ടിനെ പൊലീസ് തടഞ്ഞു. വൃന്ദ അവിടെയെത്തുന്നത് സമാധാനത്തിനെ ബാധിക്കുമെന്നാണ് ധമഖാലി ഫെറി ഘട്ടിൽ അവരെ തടഞ്ഞ പൊലീസ് പറഞ്ഞത്.

അതിനിടെ, പശ്ചിമ ബംഗാൾ പ്രതിപക്ഷ നേതാവ് സുവേന്ദു അധികാരിക്ക് സന്ദേശ്ഖലി സന്ദർശിക്കാൻ കൽക്കത്ത ഹൈകോടതി അനുമതി നൽകി.

ഇത്രയുമായിട്ടും അവിടത്തെ സംഭവങ്ങളിലെ പ്രധാന പ്രതിയെന്ന് കരുതുന്ന ഷാജഹാൻ ഷെയ്ഖിനെ സംസ്ഥാന പൊലീസ് അറസ്റ്റു ചെയ്തില്ലെന്നത് ആശ്ചര്യകരമാണെന്ന് കോടതി അഭിപ്രായപ്പെട്ടു.