സന്ദീപ് വാര്യർ ഇന്ത്യ എ ടീമിൽ

കൊച്ചി: മലയാളി താരം സന്ദീപ് വാര്യരെ വെസ്​റ്റിൻഡീസ് പര്യടനത്തിനുള്ള ഇന്ത്യ എ ടീമിൽ ഉൾപ്പെടുത്തി. വെസ്​റ്റിൻഡ ീസ് എ ടീമിനെതിരെയുള്ള രണ്ടാമത്തെയും മൂന്നാമത്തെയും ടെസ്​റ്റ്​ മത്സരത്തിനുള്ള ടീമിലാണ് സന്ദീപ് ഇടം പിടിച്ചത്. ഇന്ത്യൻ ടീമിൽ സ്ഥാനം നേടിയ നവ്ദീപ് സെയ്​നിക്ക് പകരമാണ് സന്ദീപിനെ ടീമിൽ ഉൾപ്പെടുത്തിയിട്ടുള്ളത്.

വെസ്​റ്റിൻഡീസ് എ x ഇന്ത്യ എ ടെസ്​റ്റ്​ പരമ്പരയിലെ രണ്ടാമത്തെ മത്സരം ഈ മാസം 31ന് ആരംഭിക്കും. പരമ്പരയിലെ മൂന്നാമത്തെ ടെസ്​റ്റ്​ ആഗസ്​റ്റ്​ ഏഴു മുതൽ 10 വരെയാണ്. ടീമിനൊപ്പം ചേരാനായി സന്ദീപ് വെള്ളിയാഴ്ച വെസ്​റ്റിൻഡീസിലേക്ക്​ തിരിക്കും.