കടുത്ത മത്സരത്തിനൊടുവിൽ സാംബശിവറാവു സി.പി.ഐ തെലങ്കാന സെക്രട്ടറി

ഹൈദരാബാദ്: മുൻ എം.എൽ.എ കെ. സാംബശിവറാവു സി.പി.ഐ തെലങ്കാന സംസ്ഥാന സെക്രട്ടറിയായി തെരഞ്ഞെടുക്കപ്പെട്ടു. പല്ല വെങ്കിട്ട റെഡ്ഡി സ്ഥാനാർഥിയായി രംഗത്തെത്തിയതോടെയാണ് മത്സരത്തിന് കളമൊരുങ്ങിയത്.

സാംബശിവറാവു 59 വോട്ട് നേടി. റെഡ്ഡിക്ക് 45 വോട്ട് മാത്രമേ ലഭിച്ചുള്ളു. സാംബശിവറാവു നിലവിൽ സംസ്ഥാന അസിസ്റ്റന്റ് സെക്രട്ടറിയായി പ്രവർത്തിക്കുകയായിരുന്നു. നിലവിലെ സംസ്ഥാന സെക്രട്ടറി ചാഡ വെങ്കിട്ട റെഡ്ഡിയുടെ പിന്തുണ പല്ല വെങ്കിട്ട റെഡ്ഡിക്കായിരുന്നു.

മുനുഗോഡ് നിയമസഭ സിറ്റിലേക്ക് വരാൻ പോകുന്ന ഉപതെരഞ്ഞെടുപ്പിൽ സംസ്ഥാനം ഭരിക്കുന്ന തെലങ്കാന രാഷ്ട്ര സമിതി സ്ഥാനാർഥിക്ക് സി.പി.ഐയും സി.പി.എമ്മും പിന്തുണ പ്രഖ്യാപിച്ചിട്ടുണ്ട്.