‘ഇവർ യു.പിയിലെ കുറ്റവാളികൾ; ഇവരിൽനിന്ന്​ അകന്നുനിൽക്കുക’

ലക്​നോ: ഭരണത്തി​​െൻറ ഹുങ്കിൽ ബി.ജെ.പി ഇറക്കിയ വിവാദ ബാനറിന്​ മറുപടിയായി ഉത്തർപ്രദേശിൽ സമാജ്​വാദി പാർട്ടി നേ താവി​​െൻറ മൂർച്ചയേറിയ പരസ്യബാനർ. പൗരത്വഭേദഗതി നിയമത്തിനെതി​െര പ്രക്ഷോഭം നടത്തിയവരെ അക്രമകാരികളായി ചിത്രീക രിച്ച്​ അവരുടെ ഫോ​ട്ടോസഹിതം യു.പി സർക്കാർ സ്​ഥാപിച്ച പരസ്യബാനർ ​ൈഹക്കോടതിയും സുപ്രീംകോടതിയും വിമർശിച്ച ിട്ടും നീക്കം ചെയ്​തിട്ടില്ല. ഈ സാഹചര്യത്തിലാണ്​ ആളുകൾ സൂക്ഷിക്കേണ്ട കൊടും ​ക്രിമിനലുകൾ ഇവരാണെന്ന്​ ചൂണ്ടിക്കാട്ടി ബലാത്സംഗക്കേസ്​ പ്രതികളും മുൻ ബി.ജെ.പി നേതാക്കളുമായ കുൽദീപ്​ സെംഗാറി​​െൻറയും മുൻ കേന്ദ്ര മന്ത്രി ചിന്മയാനന്ദി​​െൻറയും പടങ്ങൾ സഹിതം സമാജ്​വാദി ദേശീയ വക്​താവ്​ ഐ.പി. സിങ്​ വിവാദ ബാനറിന്​ തൊട്ടരികെ മ​െറ്റാരു ബാനർ സ്​ഥാപിച്ചത്​.

ബലാത്സംഗ കേസുകളിലെ പ്രതികളായ സെംഗാറി​​െൻറയും ചിന്മയാനന്ദി​​െൻറയും ചിത്രമുള്ള കറുത്ത ബാനറിൽ ‘ഇവർ യു.പിയിലെ കുറ്റവാളികൾ; ഇവരിൽനിന്ന്​ അകന്നുനിൽക്കുക’ എന്ന്​ ഹിന്ദിയിൽ വലിയ തലക്കെട്ടിൽ എഴുതിയിട്ടുണ്ട്​. ഇരുവർക്കുമെതിരായ കുറ്റങ്ങളും അതിൽ ​എഴുതിയിരുന്നു. ​േലാഹ്യ ജങ്​ഷനിലാണ്​ വിവാദ ബാനറിന്​ തൊട്ടടുത്തായി​ ഐ.പി. സിങ്​ ബാനർ സ്​ഥാപിച്ചത്​. കോടതി പറഞ്ഞിട്ടും വിവാദ ബാനർ മാറ്റാൻ നടപടി സ്വീകരിക്കാതിരുന്ന യോഗി ആദിത്യനാഥ്​ സർക്കാറി​​െൻറ പൊലീസ്​ പ​േക്ഷ, സിങ്ങി​​െൻറ ബാനർ രാവിലെ തന്നെ അഴിച്ചുമാറ്റി.

‘പൗരത്വ നിയമത്തിനെതിരായ പ്രക്ഷോഭകരുടെ സ്വകാര്യത മാനിക്കാതിരുന്ന യോഗി സർക്കാർ ഹൈക്കോടതിയും സുപ്രീം കോടതിയും പറഞ്ഞിട്ടും വിവാദ ബാനർ നീക്കാൻ തയാറായിരുന്നില്ല. അതുകൊണ്ട്​ കോടതി കുറ്റക്കാരാണെന്ന്​ വിധിച്ച ചില ക്രിമിനലുകളുടെ ഫോ​ട്ടോസഹിതം​ പൊതുജന താൽപര്യാർഥം ഞാനും ഒരു പോസ്​റ്റർ സ്​ഥാപിച്ചു. പെൺമക്കൾ ജാഗ്രതൈ..’-ഐ.പി. സിങ്​ ട്വിറ്ററിൽ കുറിച്ചു. പ്രമാദമായ ഉന്നാവ്​ ബലാത്സംഗ കേസിലെ പ്രതിയാണ്​ സെംഗാർ. യു.പിയിലെ ഷാജഹാൻപൂരിൽ നിയമ വിദ്യാർഥിനിയെ പീഡിപ്പിച്ച കേസിൽ കഴിഞ്ഞ സെപ്​റ്റംബറിലാണ്​ ചിന്മയാനന്ദ്​ അറസ്​റ്റിലായത്​. പൗരത്വ പ്രക്ഷോഭകർ പൊതുമുതൽ നശിപ്പിച്ചുവെന്ന്​ ആരോപിച്ചും നഷ്​ടപരിഹാരം നൽകണമെന്ന്​ ആവശ്യപ്പെട്ടുമാണ്​ യോഗിയുടെ നിർദേശപ്രകാരം വിവാദ ബാനർ സ്​ഥാപിച്ചത്​.