നോട്ട് അസാധു: മോദിക്ക്​ സല്യൂട്ട് -ശത്രുഘ്​നൻ സിൻഹ

ന്യൂഡൽഹി: നോട്ട്​ പിൻവലിക്കൽ തീരുമാനത്തെ വിമർശിച്ചുകൊണ്ടുള്ള ത​െൻറ പ്രസ്​താവനക്ക്​ വിശദീകരണവുമായി മുതിർന്ന ബി.ജെ.പി നേതാവ്​ ശത്രുഘ്​നൻ സിൻഹ . നോട്ട്​ പിൻവലിച്ച മോദിയുടെ തീരുമാനത്തെ സല്യൂട്ട്​ ചെയ്യുന്നു. എന്നാൽ ഇത്​ നടപ്പിലാക്കുന്നതിൽ അദേഹത്തിനും ഉപദേശകർക്കും വീഴ്​ച സംഭവിച്ചു. ഇതു മൂലം ഏറ്റവും കൂടുതൽ ബുദ്ധിമുട്ടുകൾ അനുഭവിക്കേണ്ടി വന്നത്​ രാജ്യത്തിലെ ഗ്രാമീണ ജനതയും സ്​ത്രീകളുമാണ്​.എൻ.ഡി.ടി.വിക്ക്​ നൽകിയ അഭിമുഖത്തിലാണ്​ സിൻഹ ഇക്കാര്യം അഭിപ്രായ​പ്പെട്ടത്​.

ശത്രുഘൻ സിൻഹ കോൺഗ്രസിലേക്ക്​ പോവുന്നതാണ്​ നല്ലത്​ എന്ന ബിഹാറിലെ ബി.ജെ.പി നേതാവ്​ മംഗൽ പാണ്ഡയുടെ പ്രസ്​താവനക്കും ശത്രുഘ്​നൻ സിൻഹ അഭിമുഖത്തിൽ മറുപടി പറഞ്ഞു. 28 വർഷമായി ഞാൻ പാർട്ടിക്കായി പ്രവർത്തിക്കുന്നു. എന്നിട്ടും എന്തുകൊണ്ടാണ്​ ഇവർ ഇത്തരത്തിലുള്ള പ്രസ്​താവനകൾ നടത്തുന്നതെന്ന്​ അറിയില്ലെന്നും അ​േദഹം കൂട്ടിച്ചേർത്തു.

അദ്വാനിയോട്​ അടുത്തു നിൽക്കുന്ന നേതാവാണ്​ശത്രുഘ്​നൻ സിൻഹ. ദേശീയ രാഷ്​ട്രീയത്തിൽ നരേന്ദ്ര മോദിയുടെ കടന്നു വരവോടി കൂടി ശത്രുഘ്​നൻസിൻഹയെ പോലുള്ള നേതാക്കൾക്ക്​ പ്രസ്​കതി നഷ്​ടമായി. ഇതാണ്​ മോദിയുടെ തീരുമാനത്തെ വിമർശിച്ചുകൊണ്ട്​ രംഗത്തെത്താൻ സിൻഹയെ പ്രേരിപ്പിച്ച​െതന്നാണ്​ വിവരം​.