Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightലഹരി മരുന്ന്​ കേസിൽ...

ലഹരി മരുന്ന്​ കേസിൽ മകളെ സഹായിക്കില്ല: അമൃത സിങ്ങിനെ പഴിച്ച്​ സെയ്​ഫ്​ അലി ഖാൻ

text_fields
bookmark_border
ലഹരി മരുന്ന്​ കേസിൽ മകളെ സഹായിക്കില്ല: അമൃത സിങ്ങിനെ പഴിച്ച്​ സെയ്​ഫ്​ അലി ഖാൻ
cancel

മുംബൈ: ബോളിവുഡ്​ നടൻ സുശാന്ത്​ സിങ്​ രാജ്​പുത്തി​െൻറ മരണവുമായി ബന്ധപ്പെട്ട മയക്കുമരുന്ന്​ കേസിൽ മകൾ സാറ അലി ഖാനും ഉൾപ്പെട്ടതിൽ അതൃപ്​തി പ്രകടിപ്പിച്ച്​ സെയ്​ഫ്​ അലി ഖാൻ. ശ്രദ്ധ കപൂർ, ദീപിക പദുക്കോൺ, രാകുൽ പ്രീത് സിങ്​, സിമോൺ ഖമ്പട്ട, എന്നിവർക്കൊപ്പം സാറയെയും നാർകോട്ടിക്​സ്​ കൺട്രോൾ ബ്യൂറോ ചോദ്യം ചെയ്​തിരുന്നു.

സാറ കേസിൽ ഉൾപ്പെട്ടതിൽ സെയ്​ഫ്​ അലി ഖാനും പട്ടൗഡി കുടുംബവും ഇതുവരെ പ്രതികരിച്ചിട്ടില്ല. എന്നാൽ ​സാറയുടെ സംരക്ഷണ ചുമതലയുണ്ടായിരുന്ന അമൃത സിങ്ങിനോട്​ സെയ്​ഫ്​ അതൃപ്​തി പ്രകടിപ്പിച്ചുവെന്നാണ്​ റിപ്പോർട്ട്​. സാറയുടെ മാതാവായ അമൃത സിങ്ങും മകൾക്ക്​ പ്രത്യക്ഷമായി പിന്തുണ നൽകിയിട്ടില്ല.

സാറയുടെ കരിയറും സാമ്പത്തിക ഇടപാട്​ ഉൾപ്പെടെയുള്ള​ കാര്യങ്ങളും നോക്കി നടത്തിയിരുന്നത്​ അമൃത സിങ്ങായിരുന്നു. അതിനാൽ, മകൾ മയക്കു മരുന്ന്​ ഇടപാടിൽ സാറ ഉൾപ്പെട്ടതി​െൻറ പേരിൽ സെയ്ഫ് അലി ഖാൻ അമൃതയെ കുറ്റപ്പെടുത്തിയെന്നാണ്​ റിപ്പോൾട്ട്​.

സാറയെ ഒരു തരത്തിലും സഹായിക്കേണ്ടെന്ന്​ സെയ്ഫ് അലി ഖാൻ തീരുമാനിച്ചതായും റിപ്പോർട്ടുണ്ട്​. വിഷയത്തിൽ നിന്ന് വിട്ടുനിൽക്കാൻ ലാൽ സിംഗ് ചദ്ദ​യുടെ ഷൂട്ടിങ്ങിനായി ഡൽഹിയിലേക്ക് തിരിച്ച കരീനക്കൊപ്പം സെയ്​ഫും മാറി. സെൻട്രൽ ബോർഡ് ഓഫ് ഫിലിം സർട്ടിഫിക്കേഷൻ ചെയർപേഴ്‌സണായിരുന്ന സെയ്​ഫി​െൻറ മാതാവ്​ ഷർമിള ടാഗോറും ആരോപണങ്ങളിൽ നിന്നും കേസുകളിൽ നിന്നും മാറി നിൽക്കുകയാണ്​.

മയക്കുമരുന്ന്​ കേസിൽ അറസ്​റ്റിലായ റിയ ചക്രബർത്തിയുടെ മൊഴിയിലും വാട്ട്‌സ്ആപ്പ് ചാറ്റുകൾ, സന്ദേശങ്ങൾ എന്നിവയിലും സാറയെ കുറിച്ചുള്ള സൂചന ഉണ്ടായിരുന്നു. അറസ്റ്റിലായ മയക്കുമരുന്ന്​ ഇടപാടുകാരെ ചോദ്യം ചെയ്തതിന് ശേഷമാണ് സാറ ഉൾപ്പെടെയുള്ള താരങ്ങളെ എൻ.സി.ബി വിളിപ്പിച്ചത്​.

കേദാർനാഥ്​ എന്ന ചിത്രത്തി​െൻറ ഷൂട്ടിങ്ങിനിടെയാണ് താൻ സുശാന്തിനോട് കൂടുതൽ അടുത്തതെന്ന് സാറാ അലി ഖാൻ ചോദ്യം ചെയ്യലിൽ വെളിപ്പെടുത്തിയിരുന്നു. നടനും കൂട്ടുകാർക്കുമൊപ്പം അവധിക്കാലം ചെലവഴിക്കാൻ തായ്‌ലൻഡിലേക്ക് പോയിട്ടുണ്ടെന്നും സുശാന്ത് മയക്കുമരുന്ന് ഉപയോഗിച്ചിരുന്നുവെന്ന്​ അറിയാമായിരുന്നുവെന്നും സാറ മൊഴി നൽകിയിരുന്നു. എന്നാൽ താൻ ഒരിക്കലും മയക്കുമരുന്ന് ഉപയോഗിച്ചിട്ടില്ലെന്ന വാദത്തിൽ തന്നെ ഉറച്ചു നിൽക്കുകയാണ്​ താരം ചെയ്​തത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Sara Ali KhanSaif Ali KhanNCBDrug caseAmrita Singh
Next Story