പോളിങ്​ ബൂത്തിൽ നമോ ഭക്ഷണപ്പൊതികൾ; തെരഞ്ഞെടുപ്പ്​ കമീഷൻ വിശദീകരണം തേടി

നോയിഡ: ഉത്തർപ്രദേശിലെ നോയിഡയിൽ പോളിങ്​ ബൂത്തിൽ നമോ ഭക്ഷണപ്പൊതികൾ വിതരണം ചെയ്​തത്​ വിവാദമാവുന്നു. പോളി ങ്​ നടന്നുകൊണ്ടിരിക്കെയാണ്​ കാവി നിറത്തിലുള്ള പെട്ടികളിൽ നമോ എന്നെഴുതിയ ഭക്ഷണപ്പൊതി വിതരണം ചെയ്​തത്​. ഗൗതംബുദ്ധനഗറിലെ പോളിങ്​ ബൂത്തിലായിരുന്നു സംഭവം.

ഉത്തർപ്രദേശിലെ മുഖ്യതെരഞ്ഞെടുപ്പ്​ ഓഫീസർ സംഭവത്തിൽ വിശദീകരണം തേടി. ജില്ലാ മജിസ്​ട്രേറ്റിനോടാണ്​ വിശദീകരണം തേടിയത്​. തെരഞ്ഞെടുപ്പ്​ പെരുമാറ്റ ചട്ടത്തിൻെറ ലംഘനമുണ്ടായോയെന്ന്​ പരി​േ​ശാധിക്കാനാണ്​ ആവശ്യപ്പെട്ടിരിക്കുന്നത്​.

അതേസമയം, ഭക്ഷണപ്പൊതികൾ കൊണ്ടു വന്നതിൽ പ്രശ്​നങ്ങളൊന്നും ഉണ്ടായിരുന്നില്ലെന്നാണ്​ പോളിങ്​ സ്​റ്റേഷനിൽ ഉണ്ടായിരുന്ന ഉദ്യോഗസ്ഥർ വാദിക്കുന്നത്​. ഭക്ഷണപ്പൊതികൾ വിതരണം ചെയ്​ത സ്ഥാപനവുമായി ബന്ധമൊന്നുമില്ലെന്ന്​ ബി.ജെ.പിയും വ്യക്​തമാക്കിയിട്ടുണ്ട്​.