കലാപമേ വഴിമാറൂ; വിജയനായകൻ വീടണയട്ടെ...

ഇം​ഫാ​ൽ: വം​ശീ​യ​ത​യു​ടെ ‘ഡ്രി​ബ്ലി​ങ്ങി​ൽ’ അ​സ്വ​സ്ഥ​മാ​യ മ​ണി​പ്പൂ​രി​ൽ ഒ​രു വി​ജ​യ​നാ​യ​ക​നു​ണ്ട്. ഇ​ന്ത്യ​യെ കി​രീ​ട​നേ​ട്ട​ത്തി​ലേ​ക്കു​ന​യി​ച്ച കൗ​മാ​ര ഫു​ട്ബാ​ൾ താ​രം എ​ൻ​ഗാം​ഗൗ​ഹൗ മേതേ. ഭൂ​ട്ടാ​നി​ലെ തി​മ്പു​വി​ൽ ക​ഴി​ഞ്ഞ​യാ​ഴ്ച സ​മാ​പി​ച്ച സാ​ഫ് അ​ണ്ട​ർ 16 ചാ​മ്പ്യ​ൻ​ഷി​പ്പി​ൽ ജേ​താ​ക്ക​ളാ​യ ഇ​ന്ത്യ​യു​ടെ അ​ഭി​മാ​ന ക്യാ​പ്റ്റ​നാ​ണ് എ​ൻ​ഗാം. കി​രീ​ട​വു​മാ​യി തി​രി​ച്ചെ​ത്തി​യ ഈ ​മി​ഡ്ഫീ​ൽ​ഡ​ർ​ക്ക് നാ​ട്ടി​ലെ​ത്താ​നാ​യി​ട്ടി​ല്ല. ഈ ​മാ​സം 12ന് ​കാ​ങ്പോ​ക്പി​യി​ലെ​ത്തി ദു​രി​താ​ശ്വാ​സ ക്യാ​മ്പി​ൽ ക​ഴി​യു​ക​യാ​ണ് ഇ​ന്ത്യ​ൻ താ​രം. നാ​ട്ടി​ലെ​ത്തി​യി​ട്ടും മാ​താ​പി​താ​ക്ക​ളെ കാ​ണാ​ൻ ക​ഴി​യാ​ത്ത​തി​ൽ ഹൃ​ദ​യ​ത്തി​ൽ ത​ട്ടു​ന്ന സ​ങ്ക​ട​മു​ണ്ടെ​ന്ന് എ​ൻ​ഗാം പ​റ​യു​ന്നു. അ​മ്മ മ​റ്റൊ​രു ദു​രി​താ​ശ്വാ​സ ക്യാ​മ്പി​ലാ​ണ്. അ​ച്ഛ​നാ​ക​ട്ടെ നാ​ടി​ന് കാ​വ​ലി​ലാ​ണ്.

ഇം​ഫാ​ൽ ന​ഗ​ര​ത്തി​ലെ ഖോ​ങ്സാ​യ് വെ​ങ് പ്ര​ദേ​ശ​ത്താ​യി​രു​ന്നു എ​ൻ​ഗാ​മി​ന്റെ ത​റ​വാ​ട്. പ​രി​ശീ​ല​ന​ത്തി​നും മൂ​ത്ത സ​ഹോ​ദ​രി​യു​ടെ വി​ദ്യാ​ഭ്യാ​സ​ത്തി​നു​മു​ള്ള സൗ​ക​ര്യം ക​ണ​ക്കി​ലെ​ടു​ത്ത് ഇം​ഫാ​ലി​ലെ ഖോ​ങ്‌​സാ​യ് വെം​ഗി​ൽ പി​താ​വ് ക​പ ലാ​ൽ വീ​ട് വാ​ട​ക​ക്കെ​ടു​ത്തി​രു​ന്നു. ഇ​വി​ടെ അ​ക്ര​മി​ക​ൾ വീ​ടും സ്കൂ​ട്ട​റു​മ​ട​ക്കം ന​ശി​പ്പി​ച്ചു. അ​മ്മ​യും ര​ണ്ട് സ​ഹോ​ദ​രി​മാ​രും അ​നി​യ​നും പി​ന്നീ​ട് തെ​ങ്നൗ​പാ​ലി​ലെ ക്യാ​മ്പി​ലെ​ത്തി. അ​മ്മ​യും കൂ​ട​പ്പി​റ​പ്പു​ക​ളു​മു​ള്ള തെ​ങ്നൗ​പാ​ലി​ലേ​ക്ക് കാ​ങ്പോ​ക്പി​യി​ൽ നി​ന്ന് 25 കി​ലോ​മീ​റ്റ​റേ​യു​ള്ളൂ. എ​ന്നാ​ൽ, ഇം​ഫാ​ൽ വ​ഴി പോ​യി ബ​ന്ധു​ക്ക​ളെ കാ​ണാ​നു​ള്ള ക​ഠി​ന​യാ​ത്ര എ​ൻ​ഗാം ഇ​ഷ്ട​പ്പെ​ടു​ന്നി​ല്ല. മേ​യ് മാ​സ​ത്തി​ൽ ക​ലാ​പം ക​ത്തു​ന്ന കാ​ല​ത്ത് അ​ണ്ട​ർ 16 ടീ​മി​ന്റെ സെ​ല​ക്ഷ​ൻ ട്ര​യ​ൽ​സി​നാ​യി ഷി​ല്ലോ​ങ്ങി​ലാ​യി​രു​ന്നു ഈ ​​​കൊ​ച്ചു​താ​രം. ആ​ദ്യ​ഘ​ട്ട സെ​ല​ക്ഷ​നി​ൽ എ​ൻ​ഗാ​മി​നെ പ​രി​ഗ​ണി​ച്ചി​ല്ല. ക​ലാ​പം കാ​ര​ണം തി​രി​ച്ച് വീ​ട്ടി​ൽ പോ​കാ​നും ക​ഴി​ഞ്ഞി​ല്ല.

മു​ൻ ഇ​ന്ത്യ​ൻ താ​ര​വും മ​ണി​പ്പൂ​ർ ഫു​ട്ബാ​ളി​ലെ പ്ര​ധാ​നി​യു​മാ​യ റെ​ന​ഡി സി​ങ്ങാ​ണ് ര​ക്ഷ​ക​നാ​യ​ത്. അ​ദ്ദേ​ഹ​ത്തി​ന്റെ സു​ഹൃ​ത്തി​ന്റെ സി​ലി​ഗു​രി​യി​ലെ വീ​ട്ടി​ലാ​യി​രു​ന്നു പി​ന്നീ​ട് താ​മ​സി​ച്ച​ത്. ശ്രീ​ന​ഗ​റി​ൽ ന​ട​ന്ന അ​വ​സാ​ന ട്ര​യ​ൽ​സി​ലൂ​ടെ എ​ൻ​ഗാം ഇ​ന്ത്യ​ൻ ടീ​മി​ലെ​ത്തി. നാ​യ​ക​പ​ദ​വി​യും സ്വ​ന്ത​മാ​ക്കി. അ​ടു​ത്ത വ​ർ​ഷം ന​ട​ക്കു​ന്ന അ​ണ്ട​ർ 17 എ.​എ​ഫ്.​സി ഏ​ഷ്യ​ൻ ക​പ്പി​നു​ള്ള ഇ​ന്ത്യ​ൻ ടീ​മി​ലേ​ക്ക് വി​ളി കാ​ത്തി​രി​ക്കു​ന്ന എ​ൻ​ഗാം ദു​രി​താ​ശ്വാ​സ ക്യാ​മ്പി​ൽ ചെ​റു​താ​യി പ​രി​ശീ​ല​നം തു​ട​ങ്ങി​യി​ട്ടു​ണ്ട്. കാ​ങ്പോ​ക്പി​യി​ൽ​നി​ന്ന് നാ​ഗാ​ലാ​ൻ​ഡി​ലെ ധി​മാ​പൂ​രി​ലേ​ക്ക് ധൈ​ര്യ​ത്തോ​ടെ യാ​ത്ര ​ചെ​യ്യാ​മെ​ന്ന​തി​നാ​ൽ ഇ​ന്ത്യ​ൻ ക്യാ​മ്പി​ലേ​ക്ക് പോ​കു​ന്ന​തി​ന് ഈ ​താ​ര​ത്തി​നു​മു​ന്നി​ൽ ത​ട​സ്സ​ങ്ങ​ളി​ല്ല. വ​മ്പ​ൻ ക​ലാ​പ​ത്തി​നാ​ണ് മ​ണി​പ്പൂ​ർ ഇ​ര​യാ​യ​തെ​ന്നും സ​മാ​ധാ​ന​ത്തി​നാ​യി കാ​ത്തി​രി​ക്കു​ക​യാ​ണെ​ന്നും എ​ൻ​ഗാം​ഗൗ​ഹൗ മേ​തേ പ​റ​ഞ്ഞു.

അ​ണ്ട​ർ 16 ഇ​ന്ത്യ​ൻ ടീ​മി​ൽ മ​ണി​പ്പൂ​രി​ൽ നി​ന്നു​ള്ള 16 താ​ര​ങ്ങ​ളു​ണ്ടാ​യി​രു​ന്നു. സം​സ്ഥാ​ന​ത്ത് കൊ​മ്പു​കോ​ർ​ക്കു​ന്ന മെ​യ്തേ​യി​ക​ളു​ടെ​യും കു​ക്കി​ക​ളു​ടെ​യും കു​ഞ്ഞു​മ​ക്ക​ൾ ഒ​രു​മി​ച്ചു​നി​ന്നാ​ണ് കാ​ൽ​പ​ന്തു​ക​ള​ത്തി​ൽ രാ​ജ്യ​ത്തി​ന് കി​രീ​ടം നേ​ടി​ക്കൊ​ടു​ത്ത​ത്. 11 മെ​യ്തേ​യി​ക​ളും നാ​ല് കു​ക്കി​ക​ളു​മു​ൾ​പ്പെ​ടു​ന്ന​താ​യി​രു​ന്നു എ​ൻ​ഗാം ന​യി​ച്ച ടീം.