Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightനീറ്റ്​, ജെ.ഇ.ഇ...

നീറ്റ്​, ജെ.ഇ.ഇ പരീക്ഷ: വിദ്യാർത്ഥികൾ കോവിഡ്​ നെഗറ്റീവ്​ സർട്ടിഫിക്കറ്റ്​ ഹാജരാക്കണം

text_fields
bookmark_border
നീറ്റ്​, ജെ.ഇ.ഇ പരീക്ഷ: വിദ്യാർത്ഥികൾ കോവിഡ്​ നെഗറ്റീവ്​ സർട്ടിഫിക്കറ്റ്​ ഹാജരാക്കണം
cancel

ന്യൂഡൽഹി: കോവിഡ്​ വ്യാപനത്തി​െൻറ സഹാചര്യത്തിൽ നടക്കുന്ന മെഡിക്കൽ -എഞ്ചിനീയറിങ്​ പ്രവേശന പരീക്ഷകൾക്കുള്ള സുരക്ഷ മാനദണ്ഡങ്ങൾ പുറത്തിറക്കി കേന്ദ്രസർക്കാർ. സെപ്​തംബർ ഒന്നു മുതൽ 13 വരെ നടക്കുന്ന ജെ.ഇ.ഇ, നീറ്റ്​ പരീക്ഷകൾ കോവിഡ്​ സുരക്ഷാ മാനദണ്ഡങ്ങൾ പാലിച്ച്​ നടത്തുമെന്ന്​ കേന്ദ്രസർക്കാർ അറിയിച്ചു.

പ്രവേശന പരീക്ഷകൾക്ക്​ ഹാജരാകുന്ന വിദ്യാർത്ഥികൾ കൊവിഡ് നെഗറ്റീവ് സർട്ടിഫിക്കറ്റ് ഹാജരാക്കണമെന്നാണ്​ നാഷണൽ ടെസ്​റ്റിങ്​ ഏജൻസിയുടെ നിർദേശം. വിദ്യാർത്ഥികൾ സ്വയം സാക്ഷ്യപ്പെടുത്തിയ കോവിഡ്​ നെഗറ്റീവ്​ സർട്ടിഫിക്കറ്റാണ് ഹാജരാക്കേണ്ടത്. ശരീര താപനില ഉയർന്നവർക്ക് ഐസൊലേഷൻ മുറിയിലിരുന്ന്​ പരീക്ഷ എഴുതാൻ അനുവദിക്കും.

പരീക്ഷ ഹാളിൽ വിദ്യാർഥികൾ മാസ്​കും ഗൗസും ധരിക്കണം. പരീക്ഷ ഹാളിൻെറ തറയും ഭിത്തിയും സെൻററി​െൻറ ഗെയ്‌റ്റ്​ അടക്കമുള്ളവ അണുനശീകരണം നടത്തണം. വിദ്യാർഥികളുടെ ബാഗുകൾ ഉൾപ്പെടെ സാനിറ്റൈസർ സ്​പ്രേ ചെയ്​ത്​ അണുനാശീകരണം നടത്തണം.

പരീക്ഷ ഡ്യൂട്ടിയിലുള്ള അധ്യാപകരും സുരക്ഷാ മാനദണ്ഡങ്ങൾ പാലിക്കണം. ശരീരതാപനില പരിശോധന ഉൾപ്പെടെയുള്ള നടപടിക്രമങ്ങൾ പൂർത്തിയാക്കേണ്ടതുള്ളതിനാൽ വിദ്യാർഥികൾ 20 മിനിറ്റ്​ മു​േമ്പ സെൻററിലെത്തണം.

ഹാൾടിക്കറ്റിനും തിരിച്ചറിയൽ കാർഡിനുമൊപ്പം മാസ്​ക്​, ഗ്ലൗസ്​, സുതാര്യമായി കാണാവുന്ന വെള്ളകുപ്പി, സാനിറ്റൈസറി​െൻറ ചെറിയ ബോട്ടിൽ എന്നിവ പരീക്ഷ ഹാളിൽ പ്രവേശിപ്പിക്കാം. അധ്യാപകർ നൽകുന്ന നിർദേശങ്ങൾ വിദ്യാർത്ഥികൾ കർശനമായും പാലിക്കണമെന്നും എൻ.ടി.എ പുറത്തിറക്കിയ നിർദേശങ്ങളിലുണ്ട്​.

സെ‌പ്‌തംബർ 1 മുതൽ 13 വരെ നടക്കുന്ന ജെ.ഇ.ഇ, നീറ്റ് പരീക്ഷ​ 25 ലക്ഷത്തോളം വിദ്യാർത്ഥികളാണ് എഴുതുന്നത്. പരീക്ഷ നടത്തിപ്പിൽ കോവിഡ് പ്രതിരോധത്തിന് ആവശ്യമായ മുൻകരുതലുകൾ സ്വീകരിക്കുമെന്നും പരീക്ഷ നിശ്‌ചയിച്ച സമയത്ത് നടത്തണമെന്നും കേന്ദ്രസർക്കാർ നേരത്തെ സുപ്രീംകോടതിയെ അറിയിച്ചിരുന്നു.

Show Full Article
TAGS:JEE NEET Safety protocol covid 
Next Story