റഷ്യയുടെ കോവിഡ്​ വാക്​സി​ൻ സുരക്ഷിതമാണെന്ന്​ ഉറപ്പിക്കണം -എയിംസ്​ ഡയറക്​ടർ

ന്യൂഡൽഹി: റഷ്യയുടെ കോവിഡ്​ വാക്​സിൻ സ്​പുട്​നിക്​ വി സുരക്ഷിതമാണോയെന്ന്​ ഉറപ്പുവരുത്തണമെന്ന്​ എയിംസ്​ ഡയറക്​ടർ രൺദീപ്​ ഗുലേറിയ. അന്താരാഷ്​ട്ര നിലവാരം ​ പാലിക്കുന്നുണ്ടോയെന്ന്​ ഉറപ്പാക്കണം. അതിന്​ ശേഷം മാത്രമേ വാക്​സി​െൻറ വൻതോതിലുള്ള ഉൽപാദനം തുടങ്ങാവുയെന്നും അദ്ദേഹം പറഞ്ഞു. ഇന്ത്യ ടുഡേക്ക്​ നൽകിയ അഭിമുഖത്തിലാണ്​ ഗുലേറിയയുടെ പരാമർശം.

എത്ര​ പേരിലാണ്​ വാക്​സിൻ പരീക്ഷിച്ചതെന്ന്​ വ്യക്​തമാകണം. അതി​െൻറ കാര്യക്ഷമ​തയെ കുറിച്ചുള്ള വിവരങ്ങളും പുറത്ത്​ വരണം. വാക്​സിൻ ആൻറിബോഡിയെ ഉൽപാദിപ്പിക്കും. പക്ഷേ അത്​ എത്രകാലം നില നിൽക്കുമെന്നതിൽ ആശങ്കയുണ്ടെന്നും അദ്ദേഹം പറഞ്ഞു.

ലോകത്തെ ആദ്യ കോവിഡ്​ 19 വാക്​സിന്​ റഷ്യൻ ആരോഗ്യ മന്ത്രാലയം അനുമതി നൽകിയതായി പ്രസിഡൻറ്​ വ്ലാദിമർ പുടിൻ അറിയിച്ചിരുന്നു. വാക്​സി​െൻറ ആദ്യ പരീക്ഷണം പുടി​െൻറ മകളിലാണ്​ നടത്തിയത്​.