പെരുന്നാൾദിനത്തിൽ നോവായി സൈനുദ്ദീന്‍റെ വിയോഗവാർത്ത

കൊ​ച്ചി: പ്രി​യ സൈ​നി​ക​ന്‍റെ ചേ​ത​ന​യ​റ്റ ശ​രീ​രം ഇ​ന്ന് ല​ക്ഷ​ദ്വീ​പ് ഏ​റ്റു​വാ​ങ്ങും. ആ​ന്ത്രോ​ത്തി​ൽ അ​ന്ത്യ​വി​ശ്ര​മ​ത്തി​നാ​യി മ​ണ്ണൊ​രു​ങ്ങു​മ്പോ​ൾ, ധീ​ര​നാ​യ ത​ങ്ങ​ളു​ടെ സൈ​നു​ദ്ദീ​ന് നാ​ട് അ​വ​സാ​ന സ​ല്യൂ​ട്ടേ​കും. സി​ക്കി​മി​ലെ മ​ണ്ണി​ടി​ച്ചി​ലി​ൽ കാ​ണാ​താ​യ സൈ​നി​ക​ൻ പി.​കെ. സൈ​നു​ദ്ദീ​ന്‍റെ മൃ​ത​ദേ​ഹം ശ​നി​യാ​ഴ്ച​യാ​ണ് ക​ണ്ടെ​ത്തി​യ​ത്. ഏ​താ​നും നാ​ളു​ക​ൾ​ക്ക് മു​മ്പ് ലീ​വി​നെ​ത്തി യാ​ത്ര​ചൊ​ല്ലി മ​ട​ങ്ങി​യ സൈ​നു​ദ്ദീ​ൻ അ​പ​ക​ട​ത്തി​ൽ​പെ​ട്ടെ​ന്ന​റി​ഞ്ഞെ​ങ്കി​ലും, ജീ​വ​നോ​ടെ തി​രി​കെ​യെ​ത്തു​മെ​ന്ന പ്ര​തീ​ക്ഷ​യി​ലാ​യി​രു​ന്നു നാ​ട്. ശു​ഭ​വാ​ർ​ത്ത​ക്കാ​യി കാ​ത്തി​രു​ന്ന കു​ടും​ബാം​ഗ​ങ്ങ​ൾ​ക്കും സു​ഹൃ​ത്തു​ക്ക​ൾ​ക്കും നാ​ടി​നും വേ​ദ​ന​യാ​യി പെ​രു​ന്നാ​ൾ ദി​ന​ത്തി​ലാ​ണ് മൃ​ത​ദേ​ഹം ല​ഭി​ച്ചെ​ന്ന ദു​ഖഃ​വാ​ർ​ത്ത​യെ​ത്തി​യ​ത്.

ധീ​ര​സൈ​നി​ക​ന് ദ്വീ​പ് ഇ​ന്ന് അ​വ​സാ​ന സ​ല്യൂ​ട്ട് ന​ൽ​കുംകു​ടും​ബാം​ഗ​ങ്ങ​ളെ സ​ഹ​പ്ര​വ​ർ​ത്ത​ക​രാ​യ സൈ​നി​ക ഉ​ദ്യോ​ഗ​സ്ഥ​ർ വി​ളി​ച്ച് വി​വ​രം അ​റി​യി​ക്കു​ക​യാ​യി​രു​ന്നു. ന​ട​പ​ടി​ക്ര​മ​ങ്ങ​ൾ പൂ​ർ​ത്തീ​ക​രി​ച്ച് തി​ങ്ക​ളാ​ഴ്ച ല​ക്ഷ​ദ്വീ​പി​ൽ മൃ​ത​ദേ​ഹ​മെ​ത്തി​ക്കു​മെ​ന്ന് അ​റി​യി​ച്ച​താ​യി ബ​ന്ധു​വാ​യ കു​ഞ്ഞി​ക്കോ​യ പ​റ​ഞ്ഞു. ഞാ​യ​റാ​ഴ്ച ആ​ർ​മി ഉ​ദ്യോ​ഗ​സ്ഥ​ർ സൈ​നു​ദ്ദീ​ന്‍റെ വീ​ട്ടി​ലെ​ത്തി​യി​രു​ന്നു. മൃ​ത​ദേ​ഹം എ​ത്തി​ക്കു​ന്ന​തി​നു​ള്ള ന​ട​പ​ടി​ക്ര​മ​ങ്ങ​ൾ മു​ൻ​കൂ​ട്ടി തീ​രു​മാ​നി​ക്കു​ന്ന​തി​ന്‍റെ കൂ​ടി ഭാ​ഗ​മാ​യി​രു​ന്നു സ​ന്ദ​ർ​ശ​നം. ആ​ന്ത്രോ​ത്ത് സ്വ​ദേ​ശി മു​ഹ​മ്മ​ദി​ന്‍റെ​യും മു​ത്തു​ബീ​യു​ടെ​യും മ​ക​നാ​ണ് സൈ​നു​ദ്ദീ​ൻ. ആ​ർ​മി 12 മ​ദ്രാ​സ് യൂ​നി​റ്റി​ന്‍റെ ഭാ​ഗ​മാ​യി​രു​ന്നു. റ​ഫ്ഖാ​ന ബീ​ഗ​മാ​ണ് ഭാ​ര്യ. മൂ​ന്നു​വ​യ​സ്സു​കാ​രി ഷെ​ഹ്​​ലി​മ​യാ​ണ് മ​ക​ൾ. സൈ​നു​ദ്ദീ​നെ മ​ണ്ണി​ടി​ച്ചി​ലി​ൽ കാ​ണാ​താ​യെ​ന്ന വി​വ​രം അ​റി​യു​മ്പോ​ൾ കോ​ഴി​ക്കോ​ടാ​യി​രു​ന്ന മാ​താ​പി​താ​ക്ക​ൾ ഇ​തോ​ടെ ല​ക്ഷ​ദ്വീ​പി​ലെ​ത്തി. ആ​ന്ത്രോ​ത്ത് രി​ഫാ​ഈ മ​സ്ജി​ദ് ഖ​ബ​ർ​സ്ഥാ​നി​ലാ​യി​രി​ക്കും ഖ​ബ​റ​ട​ക്കം.