ബി.ജെ.പിക്ക്​ പിന്തുണ; തേജ്​ ബഹദുർ യാദവ്​ ജെ.ജെ.പി വിട്ടു

ന്യൂഡൽഹി: ഹരിയാന തെരഞ്ഞെടുപ്പിൽ മുഖ്യമ​ന്ത്രി മനോഹർ ലാൽ ഖട്ടാറിനെതിരെ മൽസരിച്ച മുൻ ബി.എസ്​.എഫ്​ സൈനികൻ തേജ് ​ ബഹദുർ യാദവ്​ ജെ.ജെ.പി വിട്ടു. ബി.ജെ.പി സർക്കാറിന്​ പിന്തുണ നൽകാനുള്ള ജെ.ജെ.പിയുടെ തീരുമാനത്തിൽ പ്രതിഷേധിച്ചാണ് ​ രാജി.

ബി.ജെ.പിക്ക്​ വാതിൽ തുറന്നിട്ടതോടെ ദുഷ്യന്ത്​ ചൗതാല ജനങ്ങളെ വഞ്ചിക്കുകയാണ്​ ചെയ്​തതെന്ന്​ തേജ്​ ബ ഹദുർ ആരോപിച്ചു. ബി.ജെ.പിയുടെ ബി ടീമാണ്​ ജെ.ജെ.പി. ഇരു പാർട്ടികളെയും ജനങ്ങൾ ഒരുപോലെ എതിർക്കണമെന്നും അദ്ദേഹം ആവശ്യപ്പെട്ടു.

തേജ്​ ബഹാദുർ യാദവിനെ 2017ൽ​ ബി.എസ്​.എഫ്​ പുറത്താക്കുകയായിരുന്നു​. സൈന്യത്തിലെ ഭക്ഷണത്തെ കുറിച്ച്​ പരാതി പറഞ്ഞ്​ വീഡിയോ പുറത്തിറക്കിയതിനെ തുടർന്നായിരുന്നു നടപടി. ഇതിന്​ പിന്നാലെയാണ്​ തേജ്​ ബഹദുർ രാഷ്​ട്രീയത്തിലിറങ്ങിയത്​.