സചി​െൻറ രാജ്യസഭാ ശമ്പളം പ്രധാനമന്ത്രിയുടെ ദുരിതാശ്വാസനിധിയിലേക്ക്​

ന്യൂഡല്‍ഹി: രാജ്യസഭാ കാലാവധി അവസാനിക്കാനിരിക്കെ എം.പി എന്ന നിലക്ക്​ ക്രിക്കറ്റ് ഇതിഹാസം സചിന്‍ തെണ്ടുല്‍ക്കർക്ക്​ ഇതുവരെ ലഭിച്ച ശമ്പളവും അലവന്‍സും പൂര്‍ണ്ണമായി പ്രധാനമന്ത്രിയുടെ ദുരിതാശ്വാസ നിധിയിലേക്ക് കൈമാറി. 

ആറു വര്‍ഷത്തിനിടെ ശമ്പളമായും മറ്റ്​ അലവൻസുകളായും ലഭിച്ച 90 ലക്ഷത്തോളം രൂപയാണ് സചിന്‍ ദുരിതാശ്വാസ നിധിയിലേക്ക് കൈമാറിയത്​. സചി​​​​െൻറ തീരുമാനത്തിൽ പ്രധാനമന്ത്രി നന്ദി അറിയിച്ചു. ദുരിതമനുഭവിക്കുന്നവര്‍ക്ക് ഇത്​ വലിയ സാഹയമാകുമെന്നും പ്രധാനമന്ത്രി പറഞ്ഞു. 

2012ലാണ് സച്ചിന്‍ രാജ്യസഭാംഗമാകുന്നത്. 7.3 ശതമാനം ഹാജർ നില മാത്രമായിരുന്നു സചിന്​ ഉണ്ടായിരുന്നത്​. 400 പാർലമ​​​െൻറ്​ സെഷനുകളിൽ 29 എണ്ണത്തിൽ മാത്രമാണ്​ സചിൻ പ​െങ്കടുത്തത്​. ഇത്​ വലിയ വിമർശനങ്ങൾക്ക്​ വഴിവെച്ചിരുന്നു. എന്നാൽ, പ്രാദേശിക വികസന ഫണ്ട് വിനിയോഗിക്കുന്നതില്‍ അദ്ദേഹം മുന്നിട്ട് നിന്നിരുന്നു. 

രാജ്യത്തുടനീളം 185 പദ്ധതികള്‍ക്കായി 7.4 കോടി രൂപ അനുവദിച്ചതായി അദ്ദേഹത്തി​​​​െൻറ ഓഫീസ് അറിയിച്ചു. രണ്ടു ഗ്രാമങ്ങളും അദ്ദേഹം ദത്തെടുത്തിരുന്നു.