Begin typing your search above and press return to search.
exit_to_app
exit_to_app
Sachin Pilot
cancel
camera_alt

ദൗസയിൽ നടന്ന കിസാൻ മഹാപഞ്ചായത്തി​ൽ സചിൻ പൈലറ്റ്​ സംസാരിക്കുന്നു

Homechevron_rightNewschevron_rightIndiachevron_rightസമരമുഖത്ത്​ കരുത്തേകാൻ ...

സമരമുഖത്ത്​ കരുത്തേകാൻ പൈലറ്റ്​ ഇറങ്ങുന്നു; മഹാപഞ്ചായത്തിന്​ തുടക്കമായി

text_fields
bookmark_border

ദൗസ (രാജസ്​ഥാൻ): ആളിക്കത്തുന്ന കർഷക സമരത്തിന്​ ഊർജം പകരാൻ കോൺഗ്രസിന്‍റെ യുവനേതാവും മുൻ ഉപമുഖ്യമന്ത്രിയുമായ സചിൻ പൈലറ്റ്​ കളത്തിലിറങ്ങുന്നു. പഞ്ചാബിലും ഹരിയാനയിലും മാത്രം ഒതുങ്ങിനിൽക്കുന്ന സമരമെന്ന​ എതിരാളികളുടെ ആക്ഷേപങ്ങളുടെ മുനയൊടിക്കുന്നതിനൊപ്പം കേന്ദ്ര സർക്കാറിന്‍റെ പുതിയ കാർഷിക നിയമങ്ങളുടെ പൊള്ളത്തരം തുറന്നുകാട്ടുന്നതിനുമായാണ്​ സചിൻ രാജസ്​ഥാനിലെ കർഷകരിലേക്കിറങ്ങുന്നത്​.

ഇതിനായി സംസ്​ഥാനത്തുടനീളം കർഷക സമ്മേളനങ്ങൾ വിളിച്ചുകൂട്ടാനൊരുങ്ങുകയാണ്​ അദ്ദേഹം. ഇതിന്‍റെ ആദ്യപടിയായി ദൗസയിൽ നടത്തിയ കിസാൻ മഹാപഞ്ചായത്തിൽ ആയിരക്കണക്കിന്​ കർഷകരാണ്​ ഒത്തുകൂടിയത്​. കർഷകർക്ക്​ ഇരട്ടി വരുമാനം നൽകാമെന്ന്​ പറയുന്ന കേന്ദ്രസർക്കാറിന്‍റെ പൊള്ളത്തരങ്ങൾ തുറന്നുകാട്ടി സചിൻ സമ്മേളനത്തെ അഭിസംബോധന ചെയ്​തു. 'ഡൽഹിയിൽ കർഷകർ നടത്തുന്ന സമരത്തെ കോൺഗ്രസ്​ പിന്തുണക്കുന്നു. ഏതു സാഹചര്യങ്ങളിലും ഞങ്ങൾ കർഷകർക്കൊപ്പം നിൽക്കും. കർഷകരെ ഭീകരരെന്ന്​ ബി.ജെ.പി മുദ്ര കുത്തുന്നത്​ ഗൂഢാലോചനയുടെ ഭാഗമായാണ്​. മൂന്നു നിയമങ്ങളും പിൻവലിക്കുന്നതുവരെ സമരം മുന്നോട്ടുപോകുമെന്നും സചിൻ പറഞ്ഞു.


അടുത്ത മഹാപഞ്ചായത്ത്​ ഈമാസം ഒമ്പതിന്​ ഭരത്​പൂർ ജില്ലയിലെ ബയാന ടൗണിൽ നടത്തും. 17ന്​ ജയ്​പൂർ ജില്ലയിലെ കോട്​ക്വാഡ ടൗണിലും സമ്മേളനം നടക്കും.

Show Full Article
TAGS:Sachin Pilot Farmers Protest Rajastan Kisan Sammelan 
News Summary - Sachin Pilot Will Hold ‘Kisan Sammelans’ Across Rajastan
Next Story