Top
Begin typing your search above and press return to search.
exit_to_app
exit_to_app
വ്യക്​തികളല്ല; ആശയമാണ്​ പ്രധാനം -സിന്ധ്യയെ ഉന്നംവെച്ച്​ സചിൻ പൈലറ്റ്​
cancel
camera_alt

ഗ്വാളിയറിലെ കോൺഗ്രസ്​ പ്രചാരണയോഗത്തിൽ പ്രസംഗിക്കുന്ന സചിൻ പൈലറ്റ്​

Homechevron_rightNewschevron_rightIndiachevron_rightവ്യക്​തികളല്ല;...

വ്യക്​തികളല്ല; ആശയമാണ്​ പ്രധാനം -സിന്ധ്യയെ ഉന്നംവെച്ച്​ സചിൻ പൈലറ്റ്​

text_fields
bookmark_border

ഗ്വാളിയർ (മധ്യപ്രദേശ്​): ഈ പോരാട്ടത്തിൽ വ്യകതികളല്ല, ആശയമാണ്​ പ്രധാനമെന്ന്​ കോൺഗ്രസ്​ നേതാവ്​ സചിൻ പൈലറ്റ്​. മധ്യപ്രദേശ്​ നിയമസഭാ ഉപതെരഞ്ഞെടുപ്പിൽ പാർട്ടി സ്​ഥാനാർഥികളുടെ പ്രചാരണത്തിനായി ഗ്വാളിയറിലെത്തിയ സചിൻ, മാധ്യമപ്രവർത്തകരോട്​ സംസാരിക്കവേയാണ്​ ഇങ്ങനെ അഭിപ്രായപ്പെട്ടത്​. പാർട്ടിയിൽ ത​െൻറ അടുത്ത സുഹൃത്തായിരുന്ന ജ്യോതിരാദിത്യ സിന്ധ്യ ബി.ജെ.പിയിലേക്ക്​ ചേക്കേറിയതുമായി ബന്ധപ്പെട്ട ചോദ്യത്തിനായിരുന്നു സചിൻ പൈലറ്റി​െൻറ പ്രതികരണം. സിന്ധ്യയുടെ ജന്മദേശമായ ഗ്വാളിയറിൽ രണ്ടുദിവസത്തെ സന്ദർശനത്തിനായാണ്​ സചിൻ എത്തിയത്​.

രാഷ്​ട്രീയത്തിൽ എല്ലാവർക്കും അവരുടേതായ തീരുമാനങ്ങൾ എടുക്കാനുള്ള സ്വാതന്ത്ര്യമുണ്ട്​. ഞാൻ എ​െൻറ പാർട്ടിക്കും സിന്ധ്യ അദ്ദേഹത്തി​െൻറ പാർട്ടിക്കും വേണ്ടി പ്രചാരണം നടത്തുന്നു. എന്നാൽ, വ്യക്​തികളല്ല, ഇവിടെ പ്രധാനം, നിങ്ങൾ ഉയർത്തിപ്പിടിക്കുന്ന ആശയമാണ്​. കഴിഞ്ഞ കാലങ്ങളിലും ഞാൻ മധ്യപ്രദേശിൽ പ്രചാരണത്തിന്​ വന്നിട്ടുണ്ട്​. ഇപ്പോൾ വീണ്ടും പാർട്ടി എന്നോട്​ പ്രചാരണത്തിനിറങ്ങാൻ പറഞ്ഞു. ഞാൻ അനുസരിക്കുന്നു.

കോൺഗ്രസ്​ കഴിഞ്ഞ 20 വർഷം എനിക്ക്​ ഒരുപാട്​ നൽകിയിട്ടുണ്ട്​. മതേതരത്വം മുറുകെപ്പിടിച്ച്​, എല്ലാവരെയും ഒരുമനസ്സോടെ ഒന്നിച്ചുകൊണ്ടുപോകാൻ കഴിയുന്ന കോൺഗ്രസി​െൻറ സമുന്നതമായ ആശയമാണ്​ ഈ വേളയിൽ രാജ്യത്തിന്​ ആവശ്യമെന്ന്​ ഞാൻ കരുതുന്നു. ഇന്ത്യയുടെ പാരമ്പര്യങ്ങളെയും പാർട്ടി വിലമതിക്കുന്നു. ബി.ജെ.പിയെ നേരിടാൻ ഇന്ത്യയിൽ കോൺഗ്രസിന്​ മാത്രമേ കഴിയൂ.-സചിൻ പറഞ്ഞു.

ഉപതെരഞ്ഞെടുപ്പിൽ ജനവിരുദ്ധ ബി.​ജെ.പി സർക്കാറിനെ പരാജയ​പ്പെടുത്തേണ്ടത്​ അനിവാര്യമാണെന്ന്​ ട്വിറ്ററിൽ സചിൻ ​പൈലറ്റ്​ കുറിച്ചു. ഗ്വാളിയറിൽ കോൺഗ്രസ്​ സ്​ഥാനാർഥിക്കുവേണ്ടി പ്രചാരണയോഗത്തിൽ പ്രസംഗിക്കുന്ന ഫോ​ട്ടോയും അദ്ദേഹം ട്വിറ്ററിൽ പങ്കുവെച്ചു.

Show Full Article
TAGS:Sachin Pilot Jyotiraditya Scindia Madhya Pradesh 
News Summary - It is not about individuals, but what ideology you stand for -Sachin Pilot
Next Story