സചിന്‍റെ പദയാത്രക്ക്​ തുടക്കം; അറിയില്ലെന്ന്​ കോൺഗ്രസ്

ന്യൂ​ഡ​ൽ​ഹി: കോ​ൺ​ഗ്ര​സി​ന്‍റെ കേ​ന്ദ്ര-​സം​സ്ഥാ​ന നേ​തൃ​ത്വ​ങ്ങ​ളെ​യും മു​ഖ്യ​മ​ന്ത്രി അ​ശോ​ക്​ ഗെ​ഹ്​​ലോ​ട്ടി​നെ​യും സ​മ്മ​ർ​ദ​ത്തി​ലാ​ക്കി രാ​ജ​സ്ഥാ​നി​ൽ യു​വ​നേ​താ​വ്​ സ​ചി​ൻ പൈ​ല​റ്റി​ന്‍റെ അ​ഴി​മ​തി വി​രു​ദ്ധ പ​ദ​യാ​ത്ര. പാ​ർ​ട്ടി വി​രു​ദ്ധ പ്ര​വ​ർ​ത്ത​ന​ത്തി​ന്‍റെ ലേ​ബ​ൽ വീ​ഴാ​തി​രി​ക്കാ​ൻ ശ്ര​ദ്ധി​ച്ചു​കൊ​ണ്ടാ​ണ്​ അ​ഞ്ചു ദി​വ​സ​ത്തെ പ​ദ​യാ​ത്ര​ക്ക്​ സ​ചി​ൻ അ​ജ്​​മീ​രി​ൽ തു​ട​ക്ക​മി​ട്ട​ത്. കോ​ൺ​ഗ്ര​സ്​ പ​താ​ക​യി​ല്ല. പാ​ർ​ട്ടി അ​ഖി​ലേ​ന്ത്യ അ​ധ്യ​ക്ഷ​ന്‍റെ​യോ ചി​ത്ര​മി​ല്ല. അ​തേ​സ​മ​യം, ദേ​ശീ​യ​പ​താ​ക പ​ദ​യാ​ത്ര​യി​ൽ പാ​റി​ക്ക​ളി​ച്ചു. മ​ഹാ​ത്മാ ഗാ​ന്ധി, അം​ബേ​ദ്​​ക​ർ, ഭ​ഗ​ത്​​സി​ങ്​ എ​ന്നി​വ​രു​ടെ ചി​ത്ര​ങ്ങ​ൾ​ക്കൊ​പ്പം ഇ​ന്ദി​ര ഗാ​ന്ധി​യു​ടെ​യും സോ​ണി​യ ഗാ​ന്ധി​യു​ടെ​യും ചി​ത്ര​ങ്ങ​ളും ഇ​ടം​പി​ടി​ച്ചു.

ഈ ​പ​ദ​യാ​ത്ര​ക്ക്​ പാ​ർ​ട്ടി​യു​മാ​യി ഒ​രു ബ​ന്ധ​വു​മി​ല്ലെ​ന്ന്​ കോ​ൺ​ഗ്ര​സ്​ ത​ള്ളി​പ്പ​റ​ഞ്ഞി​ട്ടു​ണ്ട്. പാ​ർ​ട്ടി ഒ​രു പ​രി​പാ​ടി ന​ട​ത്തി​യാ​ൽ അ​തി​ൽ കോ​ൺ​ഗ്ര​സി​ന്‍റെ പ​താ​ക ഉ​ണ്ടാ​യി​രി​ക്കും. നേ​താ​ക്ക​ളു​ടെ ചി​ത്ര​ങ്ങ​ൾ ഉ​ണ്ടാ​വും. എ.​ഐ.​സി.​സി​യോ സം​സ്ഥാ​ന ഘ​ട​ക​മോ പ​രി​പാ​ടി​യെ​ക്കു​റി​ച്ച്​ ഒ​രു അ​റി​യി​പ്പും പ്ര​വ​ർ​ത്ത​ക​ർ​ക്ക്​ ന​ൽ​കി​യി​ട്ടി​ല്ലെ​ന്നും കോ​ൺ​ഗ്ര​സ്​ സം​സ്ഥാ​ന വ​ക്താ​ക്ക​ൾ വി​ശ​ദീ​ക​രി​ച്ചു.

രാ​ജ​സ്ഥാ​നി​ൽ ഈ ​വ​ർ​ഷാ​വ​സാ​നം നി​യ​മ​സ​ഭ തെ​ര​ഞ്ഞെ​ടു​പ്പു ന​ട​ക്കാ​നി​രി​ക്കേ​യാ​ണ്​ ഗെ​ഹ്​​ലോ​ട്ട്​-​സ​ചി​ൻ പോ​ര്​ പ​രി​ധി വി​ട്ട​ത്. ബി.​ജെ.​പി ന​യി​ച്ച ക​ഴി​ഞ്ഞ സ​ർ​ക്കാ​റി​ന്‍റെ കാ​ല​ത്തെ അ​ഴി​മ​തി അ​ന്വേ​ഷി​ക്ക​ണ​മെ​ന്ന ആ​വ​ശ്യം ഇ​പ്പോ​ഴ​ത്തെ സ​ർ​ക്കാ​ർ പ​രി​ഗ​ണി​ക്കു​ന്നി​ല്ലെ​ന്ന് സ​ചി​ൻ പൈ​ല​റ്റ്​ കു​റ്റ​പ്പെ​ടു​ത്തു​ന്നു. രാ​ജ​സ്ഥാ​ൻ പ​ബ്ലി​ക്​ സ​ർ​വി​സ്​ ക​മീ​ഷ​ന്‍റെ ചോ​ദ്യ​പേ​പ്പ​ർ ചോ​ർ​ച്ച അ​ന്വേ​ഷി​ക്ക​ണ​മെ​ന്നും സ​ചി​ൻ ആ​വ​ശ്യ​പ്പെ​ടു​ന്നു. ജ​യ്പൂ​രി​ലേ​ക്ക്​ 125 കി​ലോ​മീ​റ്റ​ർ നീ​ളു​ന്ന​താ​ണ്​ പ​ദ​യാ​ത്ര. അ​തി​നി​ടെ, പൈ​ല​റ്റി​ന്റെ യാ​ത്ര തു​ട​ങ്ങി​യ ദി​നം​ത​ന്നെ, മു​ഖ്യ​മ​ന്ത്രി അ​ശോ​ക് ഗെ​ഹ്ലോ​ട്ടി​ന്റെ വി​ഡി​യോ ക്ലി​പ് കോ​ൺ​ഗ്ര​സ് ട്വീ​റ്റ് ചെ​യ്തു. ‘ജ​ൻ ജ​ൻ കെ ​മു​ഖ്യ​മ​ന്ത്രി’ (ജ​ന​ങ്ങ​ളു​ടെ മു​ഖ്യ​മ​ന്ത്രി) എ​ന്ന പേ​രി​ലാ​ണ് ഒ​രു​സം​ഘം വി​ദ്യാ​ർ​ഥി​ക​ളു​ടെ ആ​വ​ശ്യ​ത്തോ​ട് ഗെ​ഹ്ലോ​ട്ട് അ​നു​കൂ​ല​മാ​യി പ്ര​തി​ക​രി​ക്കു​ന്ന ദൃ​ശ്യം ട്വി​റ്റ​റി​ൽ പ​ങ്കു​വെ​ച്ച​ത്. ത​ങ്ങ​ളു​ടെ കോ​ള​ജി​ൽ പു​തി​യ കോ​ഴ്സ് വേ​ണ​മെ​ന്നാ​യി​രു​ന്നു വി​ദ്യാ​ർ​ഥി​ക​ളു​ടെ ആ​വ​ശ്യം. മ​റ്റൊ​രു ട്വീ​റ്റി​ൽ ഗെ​ഹ്ലോ​ട്ട് ​പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യെ വി​മ​ർ​ശി​ക്കു​ന്ന ദൃ​ശ്യ​വും പ​ങ്കു​വെ​ച്ചു. ര​ണ്ടു വ​ർ​ഷ​ത്തി​ല​ധി​ക​മാ​യി മു​ഖ്യ​മ​ന്ത്രി അ​ശോ​ക് ഗെ​ഹ്ലോ​ട്ടും സ​ചി​ൻ പൈ​ല​റ്റും ശ​ത്രു​ത​യി​ലാ​ണ്. 2020ൽ ​പൈ​ല​റ്റ് നേ​തൃ​മാ​റ്റ​ത്തി​നാ​യി ക​ലാ​പ​ക്കൊ​ടി ഉ​യ​ർ​ത്തി​യെ​ങ്കി​ലും ഗെ​ഹ്ലോ​ട്ട് അ​തി​ജീ​വി​ച്ചു.