ട്വിറ്ററിൽ വ്യക്തിഗത വിവരങ്ങൾ തിരുത്തി; കോൺഗ്രസ്​ ‘ലിങ്ക്​’ നിലനിർത്തി സചിൻ പൈലറ്റ്​

ന്യൂഡൽഹി: ട്വിറ്ററിൽ ചേർത്ത വ്യക്തിഗത വിവരങ്ങളിൽ നിന്ന്​ രാജസ്ഥാൻ ഉപമുഖ്യമന്ത്രി, പി.സി.സി അധ്യക്ഷൻ എന്നീ പദവികൾ ഒഴിവാക്കി സചിൻപൈലറ്റ്​. ഈ പദവികളിൽ നിന്ന്​ പാർട്ടി അദ്ദേഹത്തെ നീക്കിയ പശ്ചാത്തലത്തിലാണ്​ ട്വിറ്ററിൽ വ്യക്തിഗത വിവരങ്ങൾ നൽകുന്ന ഭാഗത്തുനിന്ന്​ അവ ഒഴിവാക്കിയത്​​. 

എന്നാൽ, ഇതോടൊപ്പം ചേർത്ത ഇന്ത്യൻ നാഷണൽ കോൺഗ്രസിൻെറ വെബ്​സൈറ്റിലേക്കുള്ള ലിങ്ക്​ നിലനിർത്തിയിട്ടുണ്ട്​. പാർട്ടി വി​ട്ടേക്കുമെന്നുള്ള അഭ്യൂഹങ്ങൾക്കിടയിലും സചിൻ പൈലറ്റ്​ കോൺഗ്രസ്​ വെബ്​സൈറ്റിലേക്ക്​ നയിക്കുന്ന ലിങ്ക്​ നീക്കം ചെയ്യാത്തത്​ ശ്രദ്ധേയമാണ്​. 

സചിൻ പൈലറ്റിൻെറ ട്വിറ്ററിലെ വ്യക്തിഗത വിവരങ്ങൾ തിരുത്തുന്നതിന്​ മുമ്പ്​

 

മു​ഖ്യ​മ​ന്ത്രി അ​ശോ​ക്​ ഗെ​ഹ്​​ലോ​ട്ടും ഉ​പ​മു​ഖ്യ​മ​ന്ത്രി സ​ചി​ൻ പൈ​ല​റ്റും ത​മ്മി​ലു​ള്ള പോ​രി​നെ തു​ട​ർ​ന്ന്​ രാ​ജ​​സ്​​ഥാ​നി​ൽ രാ​ഷ്​​ട്രീ​യ പ്ര​തി​സ​ന്ധി രൂക്ഷമായിരുന്നു. ഇതിനിടെ രാ​ഹു​ല്‍ ഗാ​ന്ധി​യും എ.​ഐ.​സി.​സി ജ​ന​റ​ല്‍ സെ​ക്ര​ട്ട​റി പ്രി​യ​ങ്ക ഗാ​ന്ധി​യും നി​ര​വ​ധി ത​വ​ണ സ​ചി​ന്‍ പൈ​ല​റ്റു​മാ​യി ഫോ​ണി​ല്‍ സം​സാ​രി​ച്ചെങ്കിലും അദ്ദേഹം വ​ഴ​ങ്ങി​യി​രുന്നില്ല. തുടർന്നാണ്​ ഉപമുഖ്യമന്ത്രി സ്​ഥാനത്തുനിന്നും പി.സി.സി അധ്യക്ഷ സ്​ഥാനത്തുനിന്നും പൈലറ്റിനെ നീക്കിയത്​. 

ഗോവിന്ദ്​ സിങ്​ ഡോടാസറയാണ്​ പുതിയ പി.സി.സി അധ്യക്ഷൻ. സചിൻ പൈലറ്റിനെ പിന്തുണച്ച വിശ്വേന്ദ്രസിങ്​, രമേഷ്​ മീണ എന്നീ മന്ത്രിമാരെയും സ്​ഥാനത്തുനിന്ന്​ നീക്കി​യിട്ടുണ്ട്​.

LATEST VIDEO