Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഭീകരർ...

ഭീകരർ കൊലപാതകങ്ങൾക്ക്​ പ്രതിഫലം നൽകുന്നത്​ ബിറ്റ്​കോയിനിലെന്ന്​ ഇന്ത്യ

text_fields
bookmark_border
ഭീകരർ കൊലപാതകങ്ങൾക്ക്​ പ്രതിഫലം നൽകുന്നത്​ ബിറ്റ്​കോയിനിലെന്ന്​ ഇന്ത്യ
cancel

ഭീകര സംഘങ്ങളിലേക്കുള്ള പണമൊഴുക്ക്​ കൂടുതൽ ശക്​തമാകുന്നുണ്ടെന്ന്​ ഇന്ത്യൻ വിദേശ കാര്യ മന്ത്രി എസ്​ ജയശങ്കർ. ഭീകരർ ആസൂത്രണം ചെയ്യുന്ന കൊലപാതകങ്ങൾക്ക്​ പ്രതിഫലം നൽകുന്നത്​ ക്രിപ​്​റ്റോ കറൻസിയായ ബിറ്റ്​കോയിൻ ഉപയോഗിച്ചാണെന്നും അദ്ദേഹം പറഞ്ഞു.

ഐക്യരാഷ്​ട്ര സഭ രക്ഷാ സമിതിയെ അഭിമുഖീകരിക്കുകയായിരുന്നു അദ്ദേഹം. ഐ.എസ്​.ഐ.എസ്​ ലോസമാധാനത്തിന്​ ശക്​തമായ വെല്ലുവിളി ഉയർത്തുകയാണെന്നും അദ്ദേഹം പറഞ്ഞു. 'സിറിയ, ഇറാഖ്​ തുടങ്ങിയ രാജ്യങ്ങളിൽ ഐ.എസ്​ സജീവ​മാണ്​. ആഫ്രിക്കയിൽ കൂടുതൽ ശക്​തമാകുന്നുണ്ട്​. ഐ.എസിലേക്കുള്ള പണമൊഴുക്ക്​ വർധിച്ചിട്ടുമുണ്ട്​. കൊലപാതകങ്ങൾക്ക്​ ബിറ്റ്​കോയിനിൽ ആണ്​ പ്രതിഫലം നൽകുന്നത്​' -ജയശങ്കർ പറഞ്ഞു.

ചഞ്ചലരായ യുവാക്ക​െള ഒാൺ​ലൈൻ പ്രചാരണങ്ങളിലൂടെ ഭീകരസംഘങ്ങൾ സ്വാധീനിക്കുന്നത്​ ഗൗരവമായി പരിഗണിക്കണമെന്നും അദ്ദേഹം പറഞ്ഞു.

'കോവിഡിനെ കുറിച്ച്​ പറയുന്നതു പോലെ തന്നെയാണ്​ ഭീകരതയെ കുറിച്ച്​ പറയുന്നതും -എല്ലാവരും സുരക്ഷിതരാകുന്നത്​ വരെ ആരും സുരക്ഷിതരായിരിക്കില്ല.' -ജയശങ്കർ പറഞ്ഞു.

ലോക രാജ്യങ്ങൾ രാഷ്​​ട്രീയ ഇച്​ഛാ ശക്​തി കാണിക്കണമെന്നതടക്കം ഭീകരതയെ തടയാനുള്ള എട്ടിന പരിപാടികളും ജയശങ്കർ അവതരിപ്പിച്ചു. ഭീകരതയെ വെള്ളപൂശുന്നതും മഹത്വവത്​കരിക്കുന്നതും അവസാനിപ്പിക്കണമെന്നും ജയശങ്കർ ആവശ്യപ്പെട്ടു.

Show Full Article
TAGS:isis S Jayashankar 
News Summary - S Jaishankar says that IS Killings Now Being Rewarded With Bitcoins
Next Story