യുദ്ധവിമാനം: സംയുക്ത റഷ്യൻ പദ്ധതിയിൽനിന്ന് ഇന്ത്യ പിന്മാറുന്നു

ന്യൂ​ഡ​ൽ​ഹി: അ​ഞ്ചാം ത​ല​മു​റ യു​ദ്ധ വി​മാ​ന​ങ്ങ​ൾ വി​ക​സി​പ്പി​ക്കു​ന്ന​തി​നു​ള്ള ര​ണ്ട് ല​ക്ഷം കോ​ടി രൂ​പ​യു​ടെ സം​യു​ക്ത പ​ദ്ധ​തി​യു​മാ​യി മു​ന്നോ​ട്ടു​പോ​കാ​നു​ള്ള ബു​ദ്ധി​മു​ട്ട് റ​ഷ്യ​യെ അ​റി​യി​ച്ച് ഇ​ന്ത്യ. പ​ദ്ധ​തി​യു​ടെ ക​ന​ത്ത സാ​മ്പ​ത്തി​ക ചെ​ല​വാ​ണ് ത​ട​സ്സം. എ​ന്നാ​ൽ, പ​ദ്ധ​തി സം​ബ​ന്ധി​ച്ച് ഇ​രു​രാ​ജ്യ​ങ്ങ​ളും ത​മ്മി​ലു​ള്ള ച​ർ​ച്ച​ക​ൾ പൂ​ർ​ണ​മാ​യും അ​വ​സാ​നി​പ്പി​ച്ചി​ട്ടി​ല്ലെ​ന്നും സാ​മ്പ​ത്തി​ക ചെ​ല​വി​ൽ ഉ​ചി​ത​മാ​യ പ​ങ്കാ​ളി​ത്ത ഫോ​ർ​മു​ല രൂ​പ​പ്പെ​ട്ടാ​ൽ പ​ദ്ധ​തി പു​ന​പ്പ​രി​ശോ​ധി​ക്കാ​ൻ ഇ​ന്ത്യ ത​യാ​റാ​ണെ​ന്നും ഉ​ദ്യോ​ഗ​സ്ഥ​ർ വ്യ​ക്ത​മാ​ക്കി. 

സൈ​നി​ക​സ​ഖ്യം കൂ​ടു​ത​ൽ ശ​ക്തി​പ്പെ​ടു​ത്താ​നാ​യി 2007ലാ​ണ് വ​ൻ​കി​ട പ​ദ്ധ​തി​ക്കു​വേ​ണ്ടി ഇ​ന്ത്യ​യും റ​ഷ്യ​യും ക​രാ​ർ ഒ​പ്പു​വെ​ച്ച​ത്. എ​ന്നാ​ൽ സാ​മ്പ​ത്തി​ക ചെ​ല​വ് പ​ങ്കു​വെ​ക്ക​ൽ, ഉ​പ​യോ​ഗി​ക്കു​ന്ന സാ​ങ്കേ​തി​ക വി​ദ്യ​ക​ൾ, ഉ​ൽ​പാ​ദി​പ്പി​ക്കു​ന്ന യു​ദ്ധ​വി​മാ​ന​ങ്ങ​ളു​ടെ എ​ണ്ണം തു​ട​ങ്ങി​യ വി​ഷ​യ​ങ്ങ​ളി​ൽ ഇ​രു​രാ​ജ്യ​ങ്ങ​ളും ത​മ്മി​ൽ അ​ഭി​പ്രാ​യ​വ്യ​ത്യാ​സ​ങ്ങ​ൾ ഉ​ട​ലെ​ടു​ത്ത​തോ​ടെ  പ​ദ്ധ​തി സ്തം​ഭ​ന​ത്തി​ലാ​ണ്.  

യു​ദ്ധ വി​മാ​ന​ത്തി​െൻറ പ്രാ​ഥ​മി​ക രൂ​പ​ക​ൽ​പ​ന​ക്ക് 2010ൽ 29.5 ​കോ​ടി ഡോ​ള​ർ ന​ൽ​കാ​മെ​ന്ന് ഇ​ന്ത്യ സ​മ്മ​തി​ച്ചി​രു​ന്നു.  തു​ട​ർ​ന്ന് അ​ന്തി​മ രൂ​പ​ക​ൽ​പ​ന​ക്കും പ്രാ​ഥ​മി​ക​ഘ​ട്ട നി​ർ​മാ​ണ​ത്തി​നും 600 കോ​ടി ഡോ​ള​ർ ന​ൽ​കാ​നും ഇ​രു​രാ​ജ്യ​ങ്ങ​ളും സ​മ്മ​തി​ച്ചു. 2016ൽ ​വീ​ണ്ടും ച​ർ​ച്ച​ക​ൾ ആ​രം​ഭി​ച്ചെ​ങ്കി​ലും അ​ന്തി​മ ക​രാ​റി​ലെ​ത്താ​നാ​യി​ല്ല. സാ​ങ്കേ​തി​ക വി​ദ്യ​യി​ൽ തു​ല്യ അ​വ​കാ​ശം ഇ​ന്ത്യ ആ​വ​ശ്യ​പ്പെ​ട്ടെ​ങ്കി​ലും നി​ർ​ണാ​യ​ക കാ​ര്യ​ങ്ങ​ൾ പ​ങ്കു​വെ​ക്കാ​ൻ റ​ഷ്യ ത​യാ​റാ​കാ​ത്ത​താ​ണ് പ​ദ്ധ​തി​ക്ക് ത​ട​സ്സ​മാ​യ​തെ​ന്നാ​ണ് ക​രു​തു​ന്ന​ത്.