രുചിര കാംബോജ് യു.എന്നിലെ ഇന്ത്യൻ പ്രതിനിധി

ന്യൂഡൽഹി: ഐക്യരാഷ്ട്രസഭയിലെ (യു.എൻ) ഇന്ത്യയുടെ സ്ഥിരം പ്രതിനിധിയായി രുചിര കാംബോജിനെ നിയമിച്ചു. ഇന്ത്യൻ വിദേശകാര്യ സർവിസിലെ 1987 ബാച്ച് ഉദ്യോഗസ്ഥയായ ഇവർ നിലവിൽ ഭൂട്ടാനിലെ ഇന്ത്യൻ അംബാസഡറാണ്.

ടി.എസ്. തിരുമൂർത്തിക്ക് പകരമാണ് രുചിരയെ നിയമിച്ചത്. ദക്ഷിണാഫ്രിക്കയിലെ ഹൈകമീഷണറായും സേവനമനുഷ്ഠിച്ചിട്ടുണ്ട്. യുനെസ്കോയിലെ ഇന്ത്യൻ പ്രതിനിധിയുമായിരുന്നു.