Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightമോദിയുടെ പിതാവ്​...

മോദിയുടെ പിതാവ്​ ചായക്കട നടത്തിയതിന്​ തെളിവില്ലെന്ന്​ ഇന്ത്യൻ റെയിൽവേ

text_fields
bookmark_border
മോദിയുടെ പിതാവ്​ ചായക്കട നടത്തിയതിന്​ തെളിവില്ലെന്ന്​ ഇന്ത്യൻ റെയിൽവേ
cancel

ന്യൂഡൽഹി: പ്രധാനമന്ത്രി നരേന്ദ്രമോദിയുടെ പിതാവ് ദാമോദർ ദാസ് റെയിൽവേ സ്​റ്റേഷനിൽ​ ചായക്കട നടത്തിയതിന്​ തെളിവില്ലെന്ന് പശ്ചിമ റെയിൽവേ. വിവരാവകാശ നിയമപ്രകാരം ഒരു അഭിഭാഷകൻ നൽകിയ അപ്പീലിന്​​ മറുപടിയായാണ്​ റെയിൽവേ ഇക്കാര്യം വെളിപ്പെടുത്തിയിരിക്കുന്നത്​. രണ്ട്​ വർഷങ്ങൾക്ക്​ മുമ്പാണ്​ അഭിഭാഷകനും വിവരാവകാശ പ്രവർത്തകനുമായ പവൻ പരീഖ് എന്ന ഹരിയാനക്കാരൻ മോദിയുടെ പിതാവ് റെയില്‍വേ സ്റ്റേഷനില്‍ ചായക്കട നടത്തിയതുമായി ബന്ധപ്പെട്ട വിവരങ്ങൾക്ക്​ പശ്ചിമ റെയിൽവേയെ സമീപിച്ചത്​.

ചായക്കടയുടെ ലൈസൻസ്, പെർമിറ്റ് തുടങ്ങിയ രേഖകളുടെ സാക്ഷ്യപ്പെടുത്തിയ പകർപ്പുകളും അദ്ദേഹം ആവശ്യപ്പെട്ടിരുന്നു. ആദ്യം ചോദിച്ചപ്പോൾ റെയിൽവേ മറുപടി നൽകാതിരുന്നതോടെ അപ്പീൽ നൽകി​. അപ്പീൽ അതോറിറ്റി തീര്‍പ്പാക്കുന്നില്ലെന്ന് ചൂണ്ടിക്കാട്ടി പവൻ പരീഖ് കേന്ദ്ര വിവരാവകാശ കമ്മീഷനെ സമീപിക്കുകയായിരുന്നു.

എന്നാൽ, അദ്ദേഹം ആദ്യം സമർപ്പിച്ച അപേക്ഷയും അപ്പീലും ലഭിച്ചില്ലെന്ന മറുപടിയാണ്​ പശ്ചിമ റെയില്‍വേ പിന്നീട്​ നല്‍കിയത്​. 'ആവശ്യപ്പെട്ടിരിക്കുന്ന വിവരങ്ങള്‍ വളരെ പഴക്കം ചെന്നതാണെന്നും ഇതേപറ്റിയുള്ള യാതൊരു രേഖയും അഹമ്മദാബാദ് ഡിവിഷനില്‍ സൂക്ഷിച്ചിട്ടില്ലെന്നുമായിരുന്നു രണ്ടാമത്തെ അപ്പീലിനുള്ള മറുപടി.

മോദി കുട്ടിക്കാലത്ത് ട്രെയിനിലും റെയില്‍വേ പ്ലാറ്റ്​ഫോമിലും ചായ വില്പന നടത്തിയിരുന്നത് സംബന്ധിച്ച് രേഖകളൊന്നും ലഭ്യമല്ലെന്ന് 2015ല്‍ സമര്‍പ്പിച്ച ഒരു വിവരാവകാശ അപേക്ഷയ്ക്ക് മറുപടി ലഭിച്ചിരുന്നു.

Show Full Article
TAGS:Damodar Das PM Narendra Modi tea shop rti 
Next Story