പ്രണബ്​ മുഖർജി ആർ.എസ്​.എസ്​ പരിപാടിയിൽ..?

ന്യൂഡൽഹി: മുൻ രാഷ്​ട്രപതി പ്രണബ്​ മുഖർജി നാഗ്​പൂരിലെ ആർ.എസ്​.എസ് ആസ്ഥാനത്ത്​​ പ്രവർത്തകരെ അഭിസംബോധന ചെയ്യുമെന്ന്​ റിപ്പോർട്ട്​​. ജൂൺ ഏഴിന്​ നാഗ്​പൂരിലെ ആർ.എസ്​.എസ്​ ആസ്ഥാനത്ത്​ നടക്കുന്ന പരിപാടിയിൽ  പ്രണബ്​ മുഖർജി പ​െങ്കടുക്കുമെന്നാണ്​ സംഘടനയുടെ ഉന്നത നേതൃത്വം അറിയിക്കുന്നത്​. ഇന്ത്യൻ എക്​സ്​പ്രസ്​ ദിനപത്രമാണ്​ ഇതുസംബന്ധിച്ച വാർത്ത റിപ്പോർട്ട്​ ചെയ്​തത്​. അതേ സമയം, മുഖർജിയുടെ ഒാഫീസ്​ ഇക്കാര്യം സ്ഥിരീകരിച്ചിട്ടില്ല.

ആർ.എസ്​.എസി​​​​െൻറ 600 പ്രവർത്തകർ പ​െങ്കടുക്കുന്ന സംഘ്​ ശിക്ഷ വർഗ എന്ന പരിപാടിയാണ്​ ജൂൺ 7ന്​ നാഗ്​പുരിൽ നടക്കുന്നത്​. ഇതിനായി സംഘടന പ്രതിനിധികൾ പ്രണബ്​ മുഖർജിയെ നേരിട്ട്​ ക്ഷണിച്ചുവെന്നും അദ്ദേഹം പരിപാടിയിൽ പ​െങ്കടുക്കാമെന്ന്​ സമ്മതിച്ചിട്ടുണ്ടെന്നുമാണ്​ വിവരം. പ്രണബ്​ മുഖർജി ആർ.എസ്​.എസ്​ പരിപാടിയിൽ പ​െങ്കടുക്കുന്നത്​ രാജ്യത്തിന്​  നല്ല സന്ദേശം നൽകുമെന്നാണ്​ ആർ.എസ്​.എസി​​​​െൻറ അവകാശവാദം.

കഴിഞ്ഞ ജൂലൈയിലാണ്​ പ്രണബ്​ മുഖർജി രാഷ്​ട്രപതി സ്ഥാനമൊഴിഞ്ഞത്​. പതിറ്റാണ്ടുകളായി കോൺഗ്രസിൽ പ്രവർത്തിക്കുന്നയാളാണ്​ പ്രണബ്​ മുഖർജി. ഇന്ദിരാഗാന്ധി രാജീവ്​ ഗാന്ധി തുടങ്ങിയവരുമായും പ്രണബ്​ മുഖർജിക്ക്​ അടുത്ത ബന്ധമുണ്ടായിരുന്നു. കോൺഗ്രസി​​​​െൻറ നേതൃത്വത്തിലുള്ള രണ്ടാം യു.പി.എ സർക്കാറിൽ ധനമന്ത്രി സ്ഥാനവും അ​ദ്ദേഹം വഹിച്ചിരുന്നു.