മണിപ്പൂർ കലാപം; പിന്നിൽ ചർച്ചുകളെന്ന് ആർ.എസ്.എസ് മുഖപത്രം

ന്യൂഡൽഹി: മണിപ്പൂരിൽ കലാപം അഴിച്ചുവിടുന്നത് ക്രിസ്ത്യൻ ചർച്ചുകളാണെന്ന് ആർ.എസ്.എസ് മുഖപത്രമായ ഓർഗനൈസർ. ചർച്ചുകളുടെയും ഭീകരസംഘടനകളുടെയും പിന്തുണയോടെയാണ് മെയ്തേയി വിഭാഗക്കാർക്ക് നേരെ വ്യാപക അക്രമം നടക്കുന്നതെന്നാണ് ഓർഗനൈസറിലെ റിപ്പോർട്ടിൽ പറയുന്നത്.

ആൾ ട്രൈബൽ സ്റ്റുഡന്‍റ്സ് യൂണിയൻ മണിപ്പൂർ (എ.ടി.എസ്.യു.എം) നേതൃത്വത്തിൽ നടന്ന ട്രൈബൽ സോളിഡാരിറ്റി മാർച്ചിന് ട്രൈബൽ ചർച്ച്സ് ലീഡേഴ്സ് ഫോറത്തിന്‍റെ (ടി.സി.എൽ.എഫ്) എല്ലാ പിന്തുണയുമുണ്ടായിരുന്നെന്നും ഇതാണ് അക്രമത്തിലേക്ക് നയിച്ചതെന്നും ഓർഗനൈസറിലെ റിപ്പോർട്ടിൽ പറയുന്നു. മെയ്തേയി വിഭാഗക്കാരായ ഹിന്ദുക്കൾക്കെതിരെ വ്യാപക ആക്രമണമാണ് നടക്കുന്നത്. ഇതിന്‍റെ കാരണം വ്യക്തമല്ലെന്നും കുക്കി ഭീകരവാദികളുടെ ഇടപെടലുള്ളതായും ആർ.എസ്.എസ് മുഖപത്രത്തിലെ റിപ്പോർട്ടിൽ പറയുന്നു.

അതേസമയം, സംഘർഷം രൂക്ഷമായ മണിപ്പൂരിൽ 25ലേറെ ക്രിസ്ത്യൻ പള്ളികൾ അഗ്നിക്കിരയായെന്നാണ് 'ക്രിസ്റ്റ്യാനിറ്റി ടുഡേ' പുറത്തുവിട്ട റിപ്പോർട്ടിൽ പറയുന്നു. അക്രമങ്ങളിൽ പരിക്കേറ്റവർ ഭൂരിഭാഗവും ക്രിസ്ത്യൻ വിഭാഗക്കാരാണെന്നും റിപ്പോർട്ടിലുണ്ട്.

മണിപ്പൂരിലെ ഭൂരിപക്ഷം വരുന്ന മെ​യ്​​തേ​യി വി​ഭാ​ഗ​ക്കാ​ർ​ക്ക് പ​ട്ടി​ക​വ​ർ​ഗ പ​ദ​വി നൽകാനുള്ള നീക്കത്തെ തുടർന്നുള്ള സംഘർഷമാണ് കലാപത്തിലേക്ക് വളർന്നത്. കലാപം നിയന്ത്രിക്കാൻ ദ്രുതകർമസേനയെയും അർധസൈനിക വിഭാഗങ്ങളെയും വിന്യസിച്ചിരിക്കുകയാണ്. സ്ഥി​തി​ഗ​തി​ക​ൾ നി​യ​ന്ത്രി​ക്കാ​നാ​യി​ല്ലെ​ങ്കി​ൽ ക​ലാ​പ​കാ​രി​ക​ളെ ക​ണ്ടാ​ൽ ഉ​ട​ൻ വെ​ടി​വെ​ക്കാ​ൻ ജി​ല്ല മ​ജി​സ്ട്രേ​റ്റു​മാ​രെ ചു​മ​ത​ല​പ്പെ​ടു​ത്തി ഗ​വ​ർ​ണ​ർ ഉ​ത്ത​ര​വി​ട്ടിരിക്കുകയാണ്.

നിരവധി ജി​ല്ല​ക​ളി​ൽ നി​രോ​ധ​നാ​ജ്ഞ പ്ര​ഖ്യാ​പി​ച്ചി​ട്ടു​ണ്ട്. സം​സ്ഥാ​ന​ത്ത് മൊ​ബൈ​ൽ ഇ​ന്റ​ർ​നെ​റ്റ് സേ​വ​നം റ​ദ്ദാ​ക്കി. അ​ക്ര​മം വ്യാ​പി​ച്ച​തോ​ടെ പ​ല​യി​ട​ത്തും ആ​യി​ര​ക്ക​ണ​ക്കി​ന് ആ​ളു​ക​ൾ പ​ലാ​യ​നം ചെ​യ്തു. മെ​യ്​​തേ​യി വി​ഭാ​ഗ​ക്കാ​രെ പ​ട്ടി​ക​വ​ർ​ഗ വി​ഭാ​ഗ​ത്തി​ൽ ഉ​ൾ​പ്പെ​ടു​ത്താ​നു​ള്ള നി​ർ​ദേ​ശ​ത്തി​ൽ പ്ര​തി​ഷേ​ധി​ച്ച് ആ​ൾ ട്രൈ​ബ​ൽ യൂ​നി​യ​ൻ മ​ണി​പ്പൂ​ർ ബു​ധ​നാ​ഴ്ച മ​ല​യോ​ര ജി​ല്ല​ക​ളി​ൽ ഗോ​ത്ര ഐ​ക്യ റാ​ലി ന​ട​ത്തി​യി​രു​ന്നു. റാ​ലി​ക്കി​ടെ ചു​രാ​ച​ന്ദ്പു​ർ ജി​ല്ല​യി​ൽ സാ​യു​ധ​രാ​യ ആ​ൾ​ക്കൂ​ട്ടം മെ​യ്​​തേ​യി വി​ഭാ​ഗ​ത്തെ ആ​ക്ര​മി​ക്കു​ക​യാ​യി​രു​ന്നു. മെ​യ്​​തേ​യി​ക​ൾ തി​രി​ച്ച​ടി​ച്ച​തോ​ടെ അ​ക്ര​മം സം​സ്ഥാ​ന​മാ​കെ വ്യാ​പി​ച്ചു. ടോ​ർ​ബ​ങ്ങി​ൽ ആ​ക്ര​മി​ക​ൾ നി​ര​വ​ധി ക​ട​ക​ളും വീ​ടു​ക​ളും ​തീ​വെ​ച്ചു. സം​ഘ​ർ​ഷ​ത്തി​ൽ എ​ത്ര​പേ​ർ കൊ​ല്ല​പ്പെ​ട്ടു​വെ​ന്ന കൃ​ത്യ​മാ​യ ക​ണ​ക്കു​ക​ൾ ഇ​തു​വ​രെ ല​ഭ്യ​മാ​യി​ട്ടി​ല്ല.