തമിഴ്നാട്ടിൽ 45 ഇടങ്ങളിൽ ആർ.എസ്.എസ് റാലിക്ക് അനുമതി

ചെന്നൈ: തമിഴ്​നാട്ടിൽ 45 കേന്ദ്രങ്ങളിൽ ആർ.എസ്​.എസ്​ റാലി നടത്താൻ പൊലീസ്​ അനുമതി. ഏപ്രിൽ 16നാണ് റാലികൾ നടത്തുക.

ആർ.എസ്​.എസ്​ റാലിക്ക്​ അനുമതി നൽകിയ മദ്രാസ്​ ഹൈകോടതി ഉത്തരവിനെതിരെ തമിഴ്​നാട്​ സർക്കാർ സമർപിച്ച അപ്പീൽ ഹരജി സുപ്രിംകോടതി തള്ളിയതിനെ തുടർന്നാണിത്​. ക്രമസമാധാന പ്രശ്നങ്ങളാണ്​ അപ്പീലിൽ ഉന്നയിക്കപ്പെട്ടത്​.

ഞായറാഴ്ച റാലിയും പൊതുയോഗവും നടക്കുന്ന ഇടങ്ങളിൽ പൊലീസ്​ സുരക്ഷ ശക്തിപ്പെടുത്താൻ ഡി.ജി.പി ശൈലേന്ദ്ര ബാബു നിർദേശിച്ചിട്ടുണ്ട്​.