ഭൂരഹിതരായ 12 ലക്ഷം തൊഴിലാളികൾക്ക്​ പ്രതിവർഷം 6000 രൂപ; പദ്ധതിക്ക്​ തുടക്കമിട്ട്​ ഛത്തിസ്​ഗഢ്​

റായ്​പൂർ: ഭൂരഹിതരായ തൊഴിലാളികൾക്ക്​ പ്രതിവർഷം 6000 രൂപ വീതം​ നൽകുന്ന 'രാജീവ്​ ഗാന്ധി ഗ്രാമീൺ ഭൂമിഹീൻ മസ്​ദൂർ ന്യായ്​ യോജന' പദ്ധതിക്ക്​ ഛത്തിസ്​ഗഢ്​ സർക്കാർ തുടക്കം കുറിച്ചു. ഭൂമിയില്ലാത്ത 12 ലക്ഷം കുടുംബങ്ങളാണ്​ പദ്ധതിയുടെ ഗുണഭോക്താക്കൾ.

മ​ുഖ്യമന്ത്രി ഭൂപേഷ്​ ബാഗൽ ജൂലൈ 28നാണ്​ നിയമസഭയിൽ പദ്ധതി പ്രഖ്യാപിച്ചത്​. 2021-2022 സാമ്പത്തിക വർഷത്തെ ഇടക്കാല ബജറ്റിലായിരുന്നു പ്രഖ്യാപനം.

സംസ്​ഥാനത്തെ ഗ്രാമീണ മേഖലയിലുള്ള ഭൂമിയില്ലാത്ത തൊഴിലാളികൾക്ക്​ ജീവിക്കാനായി മിനിമം വേതനം ഉറപ്പാക്കുന്നതിനായാണ്​ പദ്ധതി കൊണ്ടുവന്നത്​. അടുത്ത വർഷം മാർച്ച്​ 31ന്​ മുമ്പായി ഗുണഭോക്താക്കൾക്ക്​ ധനസഹായം ലഭ്യമാകും. ഗുണഭോക്താക്കളിൽ ആരുടെയെങ്കിലും ബാങ്ക്​ അക്കൗണ്ടുകളുമായി ബന്ധപ്പെട്ട്​ വല്ല പ്രശ്​നങ്ങളും ഉണ്ടെങ്കിൽ പരിഹരിക്കാൻ 15 ദിവസം അനുവദിച്ചിട്ടുണ്ട്​.