തൊഴിലാളിയുടെ അക്കൗണ്ടിൽ ഒരു കോടി; അബദ്ധമെന്ന്​ ബാങ്ക്​

ഭോപ്പാൽ: ഹോഷങ്കാബാദ്​ ജില്ലയിലെ ബാങ്ക്​ ഒാഫ്​ ഇന്ത്യയുടെ ഖിദിയ ശാഖയിൽ നിന്നും സാധാരണക്കാര​െൻറ ഉപയോഗിക്കാത്ത അക്കൗണ്ടിൽ 1,00,10,000 രൂപ നിക്ഷേപം. എന്നാൽ​, ഉദ്യോഗസ്​ഥർക്ക്​ സംഭവിച്ച അബദ്ധമാ​െണന്ന്​ ബാങ്ക്​ അധികൃതർ പറയുന്നു.

നവംബർ 30ന്​ വിശദീകരണം ആവശ്യ​പ്പെട്ടുള്ള ആദായ നികുതി വകുപ്പി​െൻറ നോട്ടീസ്​ കിട്ടിയപ്പോഴാണ്​ ​ത​െൻറ അക്കൗണ്ടിൽ ഇത്രയും വലിയ തുക വന്നിട്ടുണ്ടെന്ന്​ സാധാരണ തൊഴിലാളിയായ ആശാറാം വിശ്വകർമ അറിയുന്നത്​.  ഇംഗ്ലീഷിലുള്ള നോട്ടീസ്​ മനസിലാക്കാനാകാത്ത ആശാറാമിന്​ ഒരു സ്​കൂൾ അധ്യാപകനാണ്​ തർജമ ചെയ്​തു കൊടുത്തത്​.

പാൻ നമ്പർ വെളി​െപ്പടുത്താതെ താങ്കൾ നവംബർ 9നും 17നുമിടക്ക്​ 1,00,10,000 രൂപയു​െട സാമ്പത്തിക ഇടപാട്​ നടത്തിയിട്ടുണ്ട്​. അതി​െൻറ വിശദാംശങ്ങൾ ആദായ നികുതി വകുപ്പിൽ അറിയിക്കണ​െമന്നാവശ്യപ്പെട്ട നോട്ടീസിൽ ആദായ നികുതി വകുപ്പ്​ അസിസ്​റ്റൻറ്​ ഡയറക്​ടറാണ്​ ഒപ്പു വച്ചിരിക്കുന്നത്​.

എന്നാൽ, ആശാറാം 10,000 രൂപ നിക്ഷേപിച്ചിരുന്നെന്നും ക്ലർക്ക്​ 1,00,10,000 എന്ന്​ തെറ്റായി ​േചർക്കുകയായിരുന്നെന്നും ബാങ്ക്​ ബ്രാഞ്ച്​ മാനേജർ വിനോദ്​ ജലോദിയ വിശദീകരിക്കുന്നു. അദ്ദേഹം 500​െൻറ 20നോട്ടുകളാണ്​ നി​േക്ഷപിച്ചത്​. എന്നാൽ, 20നു പകരം 20,000 എന്ന്​ രേഖപ്പെടുത്തിയതാണ്​ പ്രശ്​നങ്ങൾക്കിടയാക്കിയതെന്നും മാനേജർ പറഞ്ഞു. ആശാറാം സമീപിച്ചപ്പോൾ തങ്ങൾക്ക്​ സംഭവിച്ച അബദ്ധമാണെന്ന്​ ആദായ നികുതി വകുപ്പിനെ അറിയിച്ചിട്ടുണ്ടെന്നും പിന്നീട്​ അവർ അന്വേഷിച്ചിട്ടില്ലെന്നും മാനേജർ കൂട്ടിച്ചേർത്തു.